Burgeroom (美麗華廣場1期) (已結業)

口痕想食burger，係openrice一打burger就出左呢間有兩間分店既burgeroom。今日就去尖沙咀分店，位置係美麗華一期二樓，門口好大個螢光燈牌。入到去係酒吧餐廳feel，餐牌有好多款漢堡揀，有牛、雞、魚等等。我同朋友都揀左大啡菇系列。Portobello Cheese Burger ($108)Honey Mustard Portbello Bacon Burger ($115) - 其實就係朋友果個加兩塊bacon加芥末醬。兩款burger 都係一分為二。但係分左之後都係好難一啖食到，因為每層都超大份。最後都係要拆件食。Green Salad ($50) - 用成張餐檯咁闊既碟裝，好似好大份咁，仲有有三塊番茄，幾抵食啊。午市加$30可以要埋薯條加飲品。朋友叫左Bundaberg Peach。即係有氣蜜桃汁。呢度落左單之後要攞部機係枱面，之後就有人送餐。但係水同茄汁就要自己攞喇。