影片
更多
2018-02-03
67 瀏覽
香港地想食個質素好嘅火鍋，漁火就梗係要分享俾大家！一行四個人去食，埋單$2588，個享受絕對值回依個價。仲記得來到位於京都廣場嘅漁火，第一時間見到擺設得好靚嘅生蠔。連殻用冰鎮住放喺店門，好大隻，色水好靚，本身係生蠔fans嘅我已經流哂口水。老闆娘帶我地入座四人卡位，足足有其他餐廳八人卡位咁闊落，配上高身嘅椅背同暗色嘅玻璃牆，好有私人廂房嘅感覺，夠晒隱私。老闆娘話佢地餐廳嘅每個湯頭都係用多個小時熬製，未熬足鐘數，就算客人想落單，都會推介佢地試其他，認真敬業呀。我地就點左佢地嘅招牌嘅台式麻辣湯同胡椒白果豬肚湯做火鍋湯底。一上枱，見到胡椒白果豬肚湯好足料，雪白嘅湯底好香濃，即刻放入手切P R I M E肥牛，試一試佢先！湯底入口係肉香嘅鮮味，一陣味精湯底比唔上嘅鮮香氣，濃而鮮，但並唔嗆鼻，有種鮮肉熬煮方有嘅滋養潤滑質感，讚呀！不得不提係佢嘅手切 P R I M E 肥牛，忍唔住多角度拍攝肉身嘅雪花，記得細細欣賞先放湯，啲雪花好似藝術品咁均勻可愛，口感軟嫩而毫不油膩，更加唔會令湯底同其他食材變到油淋淋，變左好多火鍋都會遇到嘅災難。跟住要試嘅係佢地龍皇珍寶海鮮拼盤，試過就知個拼盤名有幾到位而唔浮
老闆娘帶我地入座四人卡位，足足有其他餐廳八人卡位咁闊落，配上高身嘅椅背同暗色嘅玻璃牆，好有私人廂房嘅感覺，夠晒隱私。
老闆娘話佢地餐廳嘅每個湯頭都係用多個小時熬製，未熬足鐘數，就算客人想落單，都會推介佢地試其他，認真敬業呀。
我地就點左佢地嘅招牌嘅台式麻辣湯同胡椒白果豬肚湯做火鍋湯底。一上枱，見到胡椒白果豬肚湯好足料，雪白嘅湯底好香濃，即刻放入手切P R I M E肥牛，試一試佢先！湯底入口係肉香嘅鮮味，一陣味精湯底比唔上嘅鮮香氣，濃而鮮，但並唔嗆鼻，有種鮮肉熬煮方有嘅滋養潤滑質感，讚呀！不得不提係佢嘅手切 P R I M E 肥牛，忍唔住多角度拍攝肉身嘅雪花，記得細細欣賞先放湯，啲雪花好似藝術品咁均勻可愛，口感軟嫩而毫不油膩，更加唔會令湯底同其他食材變到油淋淋，變左好多火鍋都會遇到嘅災難。
跟住要試嘅係佢地龍皇珍寶海鮮拼盤，試過就知個拼盤名有幾到位而唔浮誇。主打重質嘅我地，見到有巨大扇貝、隻半手掌長嘅巨大蟶子、厚肉龍蝦、珊瑚蚌等等嘅時候目光上嘅慾望已經滿足。蟶子當然係只用濃湯輕煮10至12秒，用筷子輕輕一挑，蟶子肉就離殼而落，放入口中，鮮甜清香，包含海鮮嘅海水香同久久不散嘅鮮香，好好食；龍蝦肉厚，毫不老身，包住牙嘅軟嫩，咬落有0趙勁，好香，好似軟墊，令人印象好深。
我地一行四個人，叫左兩個刺身拼盤，有咩咁大魅力令我地E N C O R E ? 北寄貝係食開嘅1.5倍咁大隻，大就夠大，入口竟然有陣濃濃嘅甜香，染入口腔，好好食，厚切三文魚同油甘魚都係令人瘋狂，精選嘅部位，適中嘅油脂比例係口感嘅關鍵。每一樣都一試難忘，非常傾心。
火鍋嘅手打墨魚滑係令人念念不忘，而即叫即炸嘅響鈴卷唔係度度都有，想食就一定要來漁火啦！
張貼
