影片
更多
2023-08-02
1216 瀏覽
餐廳：Day One Cafe (觀塘)地址：觀塘開源道60號駱駝漆大廈第三座6樓U01室每日都喺新一日嘅開始，凡事記住當初第一日開始嘅初衷，Keep住團火🔥，堅持落去💪觀塘工業區最近有新開咗一間Cafe——Day One Cafe，佢哋以設計低碳元素食物同生酮餐單為理念🍝，希望打造同區比較少有、又可以滿足到更多人需求嘅Cafe，畢竟而家唔少人都鑽研各種適合自己嘅餐單，生酮同低碳餐單都可以話喺近年新興嘅飲食文化行入型格簡約嘅工業風格Cafe，話晒新開業無耐，環境裝修嶄新乾淨，座位闊落坐得舒服😌，播住Pop Song Music更加令人有自在輕鬆嘅感覺🎶叫咗個2人晚餐套餐($398)，包是日餐湯、頭盤、兩款小食、兩款主食、甜品🧁，另外跟餐有兩杯飲品可減$18✨，先嚟返杯Houseblend可以二選一咖啡豆嘅Long black(+$20)同Cappuccino(+$24)，仲有得免費轉脫脂奶👍是日餐湯喺餐廳自己打嘅蘑菇忌廉湯，成碗都喺蘑菇勁滿足🍄，陣陣蘑菇濃香清甜令人好想飲第二碗😋；小食叫咗個氣炸香烤雞翼(3隻)同煙三文魚牛油果芝士卷(2件)，熱辣辣嘅雞翼因為氣炸嘅關係，香脆得嚟唔會好油
地址：觀塘開源道60號駱駝漆大廈第三座6樓U01室
每日都喺新一日嘅開始，凡事記住當初第一日開始嘅初衷，Keep住團火🔥，堅持落去💪
觀塘工業區最近有新開咗一間Cafe——Day One Cafe，佢哋以設計低碳元素食物同生酮餐單為理念🍝，希望打造同區比較少有、又可以滿足到更多人需求嘅Cafe，畢竟而家唔少人都鑽研各種適合自己嘅餐單，生酮同低碳餐單都可以話喺近年新興嘅飲食文化
行入型格簡約嘅工業風格Cafe，話晒新開業無耐，環境裝修嶄新乾淨，座位闊落坐得舒服😌，播住Pop Song Music更加令人有自在輕鬆嘅感覺🎶
叫咗個2人晚餐套餐($398)，包是日餐湯、頭盤、兩款小食、兩款主食、甜品🧁，另外跟餐有兩杯飲品可減$18✨，
先嚟返杯Houseblend可以二選一咖啡豆嘅Long black(+$20)同Cappuccino(+$24)，仲有得免費轉脫脂奶👍
是日餐湯喺餐廳自己打嘅蘑菇忌廉湯，成碗都喺蘑菇勁滿足🍄，陣陣蘑菇濃香清甜令人好想飲第二碗😋；
小食叫咗個氣炸香烤雞翼(3隻)同煙三文魚牛油果芝士卷(2件)，
熱辣辣嘅雞翼因為氣炸嘅關係，香脆得嚟唔會好油膩，加上陣陣辣香同芝麻香難以令人抵擋🤤
✝️慢煮雞胸牛油果沙律
無諗過咁大份嘅沙律🥗，除咗滿滿嘅沙律菜同紅菜頭片，面頭仲有調味醃製過嘅慢煮雞胸肉，食落邊邊惹味，肉質好腍，一啲嚡嘅感覺都無👏，另外仲可以配黑醋、蘋果醋或者檸檬柚子醬一齊食就無咁Dry
✝️香濃蝦汁鮮蝦扁意粉
用咗自己打嘅香濃蝦汁，完全唔喺好濃味好重口味嗰隻🤩，反而喺好清淡嘅鮮蝦香味，加上掛汁嘅扁意粉同3隻彈牙去殼鮮蝦🦐，簡單而出色，食到底會比較多油份
✝️蒜香橄欖油煙鴨胸翠玉瓜麵
全人手刨嘅翠玉瓜麵，喺好有心機嘅手功菜，用咗蒜蓉同橄欖油去炒香，
加上煙鴨胸獨特嘅脂香，雖然食到底喺油膩少少🤏，但原來原意喺配搭返生酮飲食當中大概70%嘅脂肪比例
甜品喺bakeabreakhk嘅紅莓玫瑰馬卡龍，食落超Fresh有玫瑰香一啲都唔溜🌹，鬆脆嘅外層夾住帶有紅梅同忌廉芝士香嘅軟夾心層，喺令人食上癮嘅滋味😍
張貼
