影片
更多
2023-09-28
60 瀏覽
好少同男朋友去呢類型既cafe食飯，今日去到堅尼地城嘅海旁拍拖，經過見到呢間新開嘅Cafe，裝修精緻得黎帶點復古，就比佢吸引左。一入到去餐廳燈光微微昏暗，帶點法式風情，感覺浪漫。店員安排我地坐窗邊sofa卡位位置，座位闊落坐得非常舒適，仲有街景睇。淨係餐包都已經有幾款唔同既包，實有一款啱你口味。佢連搽餐包既醬方面都幾有心思，唔係比普通牛油你，而係分別有南瓜煙肉醬同蒜蓉牛油醬。<Bovine Bone Marrow | Wagyu Beef Cheek | Bourguignon Sauce | Tagliatelle>顧名思義即係牛骨髓意粉，我第一次食牛骨髓，表面炭燒至微微焦香，入面就仍然keep到口感軟嫩，帶有油脂香，幾惹味。意粉熟度適中，口感彈牙。紅酒牛尾汁同牛骨髓既味道幾夾，整體唔錯。<Bourguignon Wagyu Beef Cheek | Polenta | Port Beef Sauce>實不相瞞，和牛既面豬登肉我都係第一次食，原來肉質咁淋，再配埋特製既松露呠酒燒醬，令牛既肉味更突出。旁邊仲有意式玉米糕，本身淨係睇個樣仲以為係薯蓉，睇左M
淨係餐包都已經有幾款唔同既包，實有一款啱你口味。佢連搽餐包既醬方面都幾有心思，唔係比普通牛油你，而係分別有南瓜煙肉醬同蒜蓉牛油醬。
<Bovine Bone Marrow | Wagyu Beef Cheek | Bourguignon Sauce | Tagliatelle>
顧名思義即係牛骨髓意粉，我第一次食牛骨髓，表面炭燒至微微焦香，入面就仍然keep到口感軟嫩，帶有油脂香，幾惹味。意粉熟度適中，口感彈牙。紅酒牛尾汁同牛骨髓既味道幾夾，整體唔錯。
<Bourguignon Wagyu Beef Cheek | Polenta | Port Beef Sauce>
實不相瞞，和牛既面豬登肉我都係第一次食，原來肉質咁淋，再配埋特製既松露呠酒燒醬，令牛既肉味更突出。旁邊仲有意式玉米糕，本身淨係睇個樣仲以為係薯蓉，睇左Menu先知原來唔係。意式玉米糕表面微脆，入口口感綿密，帶少少芝士味嘅鹹香，第一次食，感覺都幾新奇。
<NAgroni>
我叫左杯signature mocktail，睇Menu description形容佢係sweety, bitter, herbal & orange。呢杯mocktail淨係出場都夠華麗，係用一個玻璃罩罩住，店員拎到過嚟先會打開玻璃罩等啲煙慢慢飄出黎。佢係strawberry vodka，帶lychee同埋smoke 既味道。個人覺得呢杯嘢幾啱女仔飲，果味同酒味balance得幾好。
張貼
