泰廚泰國菜館

營業中

休息中

食完晚飯行咗個隔離，聞到好香嘅串燒味，原來係泰廚泰國菜館外面門口，有一個角落用黎做咗串燒外賣 聞到好好味～雖然晚餐食得幾飽，但係都想試吓！走過去同燒緊串燒嘅姐姐講要司華力腸同雞軟骨串燒，佢話冇雞軟骨，所以轉左雞肉串燒～ 我見外面都有幾個人等緊拎！好似好受歡迎姐姐好專業，好似做咗好耐咁，燒串燒手勢好快 見佢兩三下手勢，就pack起，俾客人！我地等咗大概10分鐘，佢就叫我地，問我地要唔要辣，我就唔要~ 先食司華力腸，熱辣辣，外皮好脆，好彈牙！成條好重好大份量，性價比高！至於雞肉，我就覺得有少少 “銀” ，唔算好嫩嘅肉~ 如果有雞軟骨就好啦！整體來講都算幾值得一試！