羊鞍餐廳

營業中

休息中

地鐵方便宋皇臺站，行過去唔使十分鐘，九龍城福佬村道， 同朋友嚟到九龍城，見到有羊食，就係最開心嘅!坐低喺福佬村道間羊鞍餐廳，一於一人叫一個餐， 我就唔使講，梗係整返個羊架餐，仲係有火焰嘅，要係黑椒汁，個老友就要個豬手係燒汁，個餐好簡單有湯有嘢飲加個甜品係啫喱，話說埋單都係三百零，值得去坐一坐。紅湯白湯大家都知道係乜呀!一個羅宋湯一個忌廉湯，不過不失，依然係咁好味， 坐坐坐都冇幾耐 ，豬手就到喇 ，賣相就一般啦!仲係問過係用啲乜嘢粉醬，廚師話就係秘製商品，好唔好食買相點樣就大家睇睇判斷判斷下啦，拆開肉就唔錯，都係有一般德國咸豬手嘅水準，肉厚味濃有口感，食落都唔錯 。到咗我個火焰羊架嚟啦，果然厲害呀，嚟到喇，要點火跟住睇住啲火慢慢熄，真係好好有氣勢，下次一定再嚟，再叫多次，而且個羊架都仲係好大條，抵食呀，因為一般餐廳冇咁大件，呢件羊架真係人哋嘅1.5倍，最重要啱啱好唔太熟，肉汁滿口。再加個西班牙咖啡 同food punch ，在上兩個啫喱，食完開心，愉快埋單。下次再來。