影片
港鐵宋皇臺站B3出口, 步行約4分鐘
繼續閱讀
電話號碼
23831033
開飯介紹
該區開業多年的平民港式扒房，裝修風格經典，座位寬敞。主打分量十足的懷舊鐵板餐，倒醬汁時發出的「滋滋聲」令人食慾大振！招牌菜式有法式寶雲酥羊架、火焰羊架與法式紅酒燴牛尾，另設廚師推介菜式，讓街坊時常保持新鮮感。
繼續閱讀
營業時間
今日營業
07:00 - 22:00
星期一至日
07:00 - 22:00
*最後落單時間: 21:45
以上資料只供參考, 請與餐廳確認詳情
有關獎賞計劃
一行2人見有紅酒牛尾就入去試下，一入去待應態度都差，唔想理你甘，我哋叫左牛扒同牛尾，牛扒係燶味，又苦，第一次食苦味牛扒，仲要2百幾蚊，牛尾完全無紅酒味，得個咸字，待應收野完全唔會問你，我哋都未食完，佢全部收哂，仲要黑口黑面，完全無服務可言，大家千祈唔好去食，一入去就受氣。餐廳地面都十分油，廁所衛生都好惡劣，希望老闆見到評語會作出改善，首先改變你啲待應態度，特別係一個女待應紥條長馬尾果個黑面神，十分影響餐廳形象，其次係食物質素。另外我見餐廳有好評，唔見點解會好，因為你去到泥間餐廳就會明白我講既真實食評
繼續閱讀
環境舒服，卡位座位闊落價錢經濟實惠店員有人情味早餐就快完我哋先入到去坐低，但都肯做埋我哋食物整體風格似西式混合港式，食材比起普通茶記有特色-（早餐）煙三文魚炒蛋半角包 ＋ 意式泡沫咖啡 $52有煙三文魚、炒蛋、牛角包、薯餅、茄汁豆加 $8 升級意式泡沫咖啡-（早餐）雙餸麵餐 配 意大利雜菜湯螺絲粉 ＋ 丹麥多士 ＋ 摩卡咖啡 $50加 $8 丹麥多士，鬆脆，唔會太硬揀咗豬柳漢堡、煙肉湯粉好味加 $8 升級摩卡咖啡
繼續閱讀
某天路過九龍城，想在此搵食，發現此店門外有很多人等位，所以選擇一試。點了3個午餐，蒜蓉汁牛排配薯蓉是個人覺得最好味的一個午餐，牛排夠淋，肉質都ok，薯蓉份量足而且香味十足，而且價錢唔貴，只是$65，唔錯。另外，焗豬排飯面上有一層芝士，再配上酸甜的蕃茄汁，十分好味，飯低是炒飯低，豬排則是薄豬排，十分容易入口，價錢只是$58，連餐湯和飲品，性價比極高。小店門外有大量的泊車錶位，十分便利駕車人士去覓食。
繼續閱讀
曾經，香港有好多間港式扒房，最懷念係熱辣辣嘅鐵板餐配上一杯港式特飲，真係充滿童年回懷。依家，香港嘅港式扒房越嚟越少，但原來出名食泰國嘢嘅九龍城仲有港式扒房架。今日我哋就嚟到九龍城羊鞍餐廳，唔好以為叫羊鞍餐廳就只係食羊，餐廳仲有好多選擇呀！叫咗兩份扒餐，店員就先送上餐湯同多士。特別鍾意餐廳嘅羅宋湯，湯底濃郁，材料豐富，非常開胃。鐵板餐嘅滋滋聲確實非常治癒，淋埋黑椒汁上去，真係未食已經覺得好吸引呀！雜扒有牛扒、豬扒、煙肉、雞翼同台式腸，至於配料就有粟米、薯角同車厘茄等等，份量十足，非常豐富！除咗鐵板餐，餐廳亦有碟上嘅扒餐。呢個1855安格斯西冷牛扒襭9安士，牛扒厚身，肉味香濃而肉質軟腍，呢個價位，確實抵食。平日食鐵板餐，仲可以免費upgrade飲特飲，我哋就叫咗一杯雪糕紅豆冰，生熟紅豆比例啱啱好，非常軟綿卻又有口感，但就略嫌甜咗少少。
繼續閱讀
我去左九龍城嘅「羊鞍餐廳」食晚餐，揀咗羊鞍套餐，配炸蝦同意粉。整體上，食物性價比唔錯，味道一般但環境宜人。我試過羊鞍套餐，裡面包括炸蝦同意粉。食物方面，味道可以，雖然冇特別驚艷，但都算係合乎期望。份量方面係足夠飽肚，感覺物超所值。餐廳環境都係一大亮點，氛圍舒適，適合與家人或朋友一齊享受晚餐。服務態度良好，營造出愉快用餐氛圍。總括而言，「羊鞍餐廳」提供嘅羊鞍套餐性價比高，雖然味道一般，但整體食物質素穩定。加上宜人嘅環境同良好嘅服務，係一個適合享受輕鬆晚餐嘅地方。如果你想尋找一個價錢合理、環境舒適嘅餐廳，「羊鞍餐廳」係一個值得考慮嘅選擇。
繼續閱讀
您可能會有興趣的...