影片
更多
2015-09-28
3398 瀏覽
星期日同太太去旺角行街，佢之前唔知係邊睇到彌敦道726十樓新開左間以Running man做主題既餐廳，佢又係Running man既超級fans,所以決定去試下。七點左右上到去見到條人龍都唔想食，拿個餐牌睇完價錢貴到嚇死人，食飯啫，梗係唔等啦，雖然太太真係好想試。點知係電梯見到九樓有間Running燒（又running???), 太太兩隻眼即時發光，咁又即管去睇下。去到門口仲見到花牌，原來新開張，入面只有兩枱人，問個靚仔拿餐牌睇下，原來呢度係玩燒肉放題$248一位兩粒鐘，心諗伏極都有限錢，一於試下啦。餐廳大概有十零張枱，播上K-pop, 裝修走型格路缐。被安排坐低後先上泡菜，枱上有三款沾醬可以自己加，分別係燒肉醬汁，麺豉醬同韓式辣醬，估唔到放題都跟足傳統似模似樣。至於食物都有三張落單紙，牛，豬肉都有幾種部位，最驚喜連炸雞都有，講返味道先，下面係幾樣印象深刻d既⋯沾醬 - 三款入面個人最欣賞辣醬，辣中帶甜，有d似石頭飯既醬，同任何肉都匹配。炸雞 - 當然唔係原隻雞果種啦，辣味仲有得揀辣度，入口皮脆肉嫩有肉汁，任叫已經冇野講。豬頭枕 - 坦白講真係唔知乜部位，又唔似豬頸肉，肉質帶爽，脂肪
去到門口仲見到花牌，原來新開張，入面只有兩枱人，問個靚仔拿餐牌睇下，原來呢度係玩燒肉放題$248一位兩粒鐘，心諗伏極都有限錢，一於試下啦。餐廳大概有十零張枱，播上K-pop, 裝修走型格路缐。被安排坐低後先上泡菜，枱上有三款沾醬可以自己加，分別係燒肉醬汁，麺豉醬同韓式辣醬，估唔到放題都跟足傳統似模似樣。至於食物都有三張落單紙，牛，豬肉都有幾種部位，最驚喜連炸雞都有，講返味道先，下面係幾樣印象深刻d既⋯
沾醬 - 三款入面個人最欣賞辣醬，辣中帶甜，有d似石頭飯既醬，同任何肉都匹配。
炸雞 - 當然唔係原隻雞果種啦，辣味仲有得揀辣度，入口皮脆肉嫩有肉汁，任叫已經冇野講。
豬頭枕 - 坦白講真係唔知乜部位，又唔似豬頸肉，肉質帶爽，脂肪分佈均勻，特別！好味！
牛肋骨 - 紋理雪花，肉質軟淋，靚貨是也。調味係汁燒帶微甜，必食。
雪花牛仔肉 - 原來係肋條肉，冇醃過即係對肉質數有信心啦，肉味濃有咬囗，出面單點都成舊水100g。
大蝦，帶子 - 其實正常味道，不過唔取巧，真係大大隻蝦，大大粒帶子，食幾轉乜都返來。
題外話/補充資料：
食完餐飯我仲開心過太太（可能餐廳同running man冇乜關係），平時食單點韓燒又唔平又限時個半鐘，我真係諗唔到理由唔來幫襯。其實已經好少寫食評，不過呢度真係值得鼓勵下⋯
(以上食評乃用戶個人意見 , 並不代表OpenRice之觀點。)
張貼
