偷得浮生半日閒，翻半日工去食tea 就是爽😎
今次就試左個花漾田園盛宴下午茶 ($398 for 2)
食tea 嘅指定動作當然就係無限打卡🤭餐廳仲展示左各種藝術精品比大家慢慢欣賞添
今次呢個tea set 有鹹有甜，造型都算幾趣致😬
1
藜麥烤蔬菜花卉杯有各式烤蔬菜，個底仲有藜麥，夠哂健康，仲有蒜泥蛋黄墨西哥辣醬作為點綴
美國安格斯小漢堡食落juicy，肉嘅香氣加上蕃茄汁，總令人諗起pizza 嘅味道😂
挪威煙三文魚牛油果醬/ 烤八爪魚莎莎醬配墨西哥脆片
煙三文魚唔太鹹加上牛油果醬帶點清新，八爪魚就加上微辣嘅莎莎醬
兩者配上墨西哥脆片，口感味道都豐富有層次
鮮雜莓法國忌廉奶凍口感順滑，酸酸甜甜嘅雜莓為奶凍加上左一點清新😉
心太軟非常濃郁，即使凍左食依然流心
仲有movenpick雪糕加埋下面嘅餅食落似tiramisu 咖啡味都算濃
除左食，另一焦點就係藝術打印朱古力
今次就揀左starry night，當然唔會失望😎
