影片
更多
2025-08-23
0 瀏覽
之前去過MOBIN 舊店，已經覺得野食好有特色，搬左去港逸東酒店地舖，當然再去拜訪啦！新地方環境真係好正！一入去就感受到濃厚嘅工業風同墨西哥異國情調，水泥牆面同鮮豔嘅墨西哥手繪壁畫勁吸晴，營造咗種型格又藝術嘅氣氛。右側嘅牆面仲有傳統墨西哥圖騰同現代酒櫃吧檯結合，好多特色酒瓶陳列出黎，左側嘅落地玻璃引入自然光，平衡咗暗色調。MOBIN主打多國菜式，特別係融合咗墨西哥風味嘅創意料理，好多菜式充滿驚喜。例如佢嘅腐乳Carbonara同大澳蝦醬意粉，絕對係創新嘅代表作。試咗MOBIN 嘅西班牙烤洋蔥薯仔蛋餅配煙肉 ，真係人氣王實至名歸！用日本雞蛋同焗薯仔，芝士同焦糖洋蔥一齊焗，外層脆卜卜，切開有流心蛋香撲鼻，配上煙肉鹹香同自家製Mobin醬，味道層次豐富。牛扒配酸種麵包亦好出色，牛扒入味軟嫩，酸種麵包帶點嚼勁，完美配搭。飲品選咗Caramel Latte，香濃暖胃，甜度啱啱好。甜品Affogato冷熱交融，意式濃縮同滑溜雪糕一啖入魂，好滿足。座位有慵懶嘅沙發區，適合同朋友傾計，高腳吧檯啱啱好俾情侶約會或獨自chill，望住窗外嘅街景，特別有種都會中嘅片刻寧靜。環境同食物嘅搭配亦好用心，靚BAR
新地方環境真係好正！一入去就感受到濃厚嘅工業風同墨西哥異國情調，水泥牆面同鮮豔嘅墨西哥手繪壁畫勁吸晴，營造咗種型格又藝術嘅氣氛。右側嘅牆面仲有傳統墨西哥圖騰同現代酒櫃吧檯結合，好多特色酒瓶陳列出黎，左側嘅落地玻璃引入自然光，平衡咗暗色調。
MOBIN主打多國菜式，特別係融合咗墨西哥風味嘅創意料理，好多菜式充滿驚喜。例如佢嘅腐乳Carbonara同大澳蝦醬意粉，絕對係創新嘅代表作。試咗MOBIN 嘅西班牙烤洋蔥薯仔蛋餅配煙肉 ，真係人氣王實至名歸！用日本雞蛋同焗薯仔，芝士同焦糖洋蔥一齊焗，外層脆卜卜，切開有流心蛋香撲鼻，配上煙肉鹹香同自家製Mobin醬，味道層次豐富。牛扒配酸種麵包亦好出色，牛扒入味軟嫩，酸種麵包帶點嚼勁，完美配搭。飲品選咗Caramel Latte，香濃暖胃，甜度啱啱好。甜品Affogato冷熱交融，意式濃縮同滑溜雪糕一啖入魂，好滿足。
座位有慵懶嘅沙發區，適合同朋友傾計，高腳吧檯啱啱好俾情侶約會或獨自chill，望住窗外嘅街景，特別有種都會中嘅片刻寧靜。環境同食物嘅搭配亦好用心，靚BAR枱有專業調酒師坐鎮，仲有書可以翻閱，影相打卡一流，推介！📍香港佐敦彌敦道380號香港逸東酒店地下2號舖 | ☎️+852 9857 6381
張貼
