影片
更多
2018-12-17
3899 瀏覽
4個大閘蟹粉絲，經過精挑細選選中左呢一間嘅大閘蟹放題，$460一個人，限時兩小時，入到去好冷清，女部長招呼我哋！由於寫住三種口味鹽焗丶花雕丶清蒸女部長話而家開始計時要乜嘢款式？每人每次2隻最尾30分鐘cut單冇得叫,跟住我就問佢係咪每次每人最多都只可以叫兩隻，佢答我係！咁我哋四個人即係每一次會有八隻大閘蟹，即刻答佢清蒸x8滿心期待，等待過程佢話因為係即叫即做㗎每次，個set有隻超迷你鮑魚同埋湯，唔好理食住等！佢講到明話大閘蟹到咗可以即刻叫第二次，所謂嘅任食其實根本就係有規限，唔緊要我哋都計過數即係每人可以食到10隻，已經個心覺得洩底左，因為搵過幾間有大閘蟹食之餘仲有放題仲要係三百幾蚊，諗住呢度始終可能質素好啲，因為主打都係想食大閘蟹，唔緊要苦等25分鐘一上到黎超級細隻，唔理啦即刻再叫花雕x8（呢個等左20分鐘）你家花雕咪算數囉加鹽係個面度咸到就快生腎石，之後即刻再叫鹽焗x8（花雕都已經咸到咁呢個唔使講啦）我哋最後埋單前半個鐘係9:45可以叫最後一次，但係鹽焗上枱嘅時候（9:15左右）我哋計過數即刻叫可以食多一轉就啱啱好10隻，點知個個大陸女部長走過來同我地講，呢一次要乜嘢味呀？最後啦一
由於寫住三種口味鹽焗丶花雕丶清蒸女部長話而家開始計時要乜嘢款式？每人每次2隻最尾30分鐘cut單冇得叫,跟住我就問佢係咪每次每人最多都只可以叫兩隻，佢答我係！咁我哋四個人即係每一次會有八隻大閘蟹，即刻答佢清蒸x8
滿心期待，等待過程佢話因為係即叫即做㗎每次，個set有隻超迷你鮑魚同埋湯，唔好理食住等！佢講到明話大閘蟹到咗可以即刻叫第二次，所謂嘅任食其實根本就係有規限，唔緊要我哋都計過數即係每人可以食到10隻，已經個心覺得洩底左，因為搵過幾間有大閘蟹食之餘仲有放題仲要係三百幾蚊，諗住呢度始終可能質素好啲，因為主打都係想食大閘蟹，唔緊要苦等25分鐘一上到黎超級細隻，唔理啦即刻再叫花雕x8（呢個等左20分鐘）你家花雕咪算數囉加鹽係個面度咸到就快生腎石，之後即刻再叫鹽焗x8（花雕都已經咸到咁呢個唔使講啦）我哋最後埋單前半個鐘係9:45可以叫最後一次，但係鹽焗上枱嘅時候（9:15左右）我哋計過數即刻叫可以食多一轉就啱啱好10隻，點知個個大陸女部長走過來同我地講，呢一次要乜嘢味呀？最後啦一次過落單，咁我就話要兩隻味啦佢就話，一次過落啦八隻！
佢話計返時間9:45都已經係最後一次半個鐘頭前，咁一次過幫我地落單，跟住懶係好心咁話你哋講啦幫你一次過落晒佢唔使等，跟住我問係咪16隻，佢話八隻不過一次過幫我落！我同事俾佢水到話好啊好啊，我同事以為係八隻八隻即係16隻，我就問你部長而家最後呢一次一次過落單究竟係總共幾多隻？
佢答我八隻，我問佢點解會係八隻？佢話因為9.9到啦而家一次過落單囉！跟住我話咁而家落單嚟咗之後如果9.7我都可以再落，佢話咁樣好麻煩不如一次過落，我就同佢講咁樣咪即係16隻囉？
我真係覺得佢好搞笑，比我個答案係話本身係每人每次一隻㗎，但係因為之前諗住我哋方便可以食快啲所以俾我哋每人每次兩隻咁樣落單，所以而家一次過當返係一隻x兩次，你冇事啊嘛小姐？其實你係覺得我白癡定弱智啊，我都費事同佢嘈！我問咗佢一句你一入到黎嘅時候同我地講每人每次兩隻點解而家會變返一隻，佢一直喺度重複話本身係一隻㗎，諗住比你哋快啲，我想講你個任食係乜嘢嚟㗎？你所謂嘅任食你都冇講到明1人幾多隻咁你就唔好寫任食，講咗話每一次每人兩隻之後又收返句說話唔想比，好有問題囉咁樣去做生意！
唔好講質素，本身員工嘅質素已經不值一提呢間野！竟然可以咁樣做生意，$460大閘蟹限住食啊唔該寫名，開頭話每次兩隻之後可以唔想比就反囗，每次食緊大閘蟹喺度傻等第二次我覺得好冇癮囉，都唔係第一次食呢啲放題都知道食完之後再叫，咁就唔該你第一開始嘅時候就講清楚係一隻咁樣我都會覺得kur d，依家係當你白痴咁玩
唔怪得咁冷清啦，請着啲咁嘅員工，仲要係海報就遮住咗太湖大閘蟹兩個字，到底來源喺邊度？最諷刺係寫住任食
免費都唔會再去
張貼
