元洲牛肉麵 (坑口村) (已結業)

坑口村入面開咗間元洲牛肉麵，係正村口第一排嘅餐廳，餐牌有多種食物，除咗牛肉麵仲有多款麵食、飯類同雞煲，款式多元化🔅手拍青瓜味道酸酸辣辣，瓜身口感爽脆，特別開胃🔅炸菜肉餃子新鮮即炸，一碟有八隻，每隻饀料飽滿多汁，口感外脆內軟，非常好食，仲附上蛋黃醬🔅行政總裁牛肉麵超豐富嘅配料，有金錢展、牛筋、牛舌、極品牛丸、坑腩同酸菜，湯底可以揀咗藥膳牛肉湯，味道好濃郁，麵可以揀寬或幼麵，個人鍾意寬麵，食落更有口感！極品牛丸好好食，又彈牙又多汁！而坑腩同金錢展都煮得好入味，肉質軟腍，成碗麵份量超勁，超飽肚🔅原個椰青沙冰坑口店限定嘅椰青沙冰，啖啖清爽椰青味道，消暑解渴一流