窩心鍋 (已結業)

係咁凍既天氣就緊係要打邊爐LA, 黎到呢間裝修別緻既火鍋店, 一坐低我先叫左款小食, 有椒鹽九肚魚, 堅正, 外脆內軟, 肉質勁嫩滑, 微微的辣好開胃. 跟住個鍋就黎LA, 我地叫左皮蛋芫茜湯, 哈哈..無咁熱氣MA, 跟住D火鍋配料就一碟碟咁黎啦, 嘩嘩嘩…..先黎個海鮮拼盤, 見到d鮑魚大大隻, 仲要係好新鮮就知正啦, 仲有大大隻既廣島蠔, 超肥美, 啖啖都係蠔咩. 跟住黎個超翠綠鮮甜既蔬菜籃, 仲有冬菇同粟米TIM. 肉類可以三款選兩款, 有日本雞頸肉/神戶黑豚腩片/手切極尚牛脾肉, 我地要左雞頸肉同埋牛脾肉, 其實雞頸肉我地都係第一次食, 肉質會較為滑身. 另外牛脾肉牛味較重, 而且肉質淋身. 之後仲有台式滷水四款選兩款, 有紐西蘭金錢肚/纽西蘭牛根/日本豬肚/日本豬大腸, 我地選左牛根同埋豬大腸, 一款係由妞西蘭直送, 另一款係由日本直送, 其實好少會食到其他國家既牛雜, 哈哈….味道會比平常的更鮮, 最估唔到既係原來雞頸都會有咁多肉食.跟住就係招牌手打三寶丸&鮮脆鯇片, 有蝦丸墨丸魚丸, 全部都鮮甜彈牙. 而脆肉片沒有泥味, 食落爽口. 另外仲散叫左炸魚皮, 呢個非叫不可,