喜記蟹將軍

營業中

休息中

去尖沙咀行開街，見到喺美麗華商場入邊，新開左一間有得食海鮮嘅中餐廳，我最鍾意試新餐廳，當然入去試吓。都唔錯呀間餐廳，座位夠闊落，最緊要乾乾淨淨，可以坐得舒舒服服，嘆吓海鮮。❤️仲有房添啊，消費$5000 有細房，$10000 有大房，可以約埋班朋友自己開一間房，仲正。💛八味豆腐簡單單炸豆腐，最出色，豆腐出邊炸到好鬆脆，好味道。💚金銀蛋時菜好足料呀，鹹蛋皮蛋夠晒多，連啲菜湯都可以飲埋，夠晒清甜。🤎豉椒炒蟶子瑝好大隻嘅蟶子瑝，好新鮮呀，蟶子肉好爽口又彈牙，夠晒鑊氣，好惹味，連啲配料青椒等都好好食，送飯一流。