黃珍珍泰國菜館

營業中

休息中

今日同家人去左九龍城食泰國嘢，九龍城嘅泰國餐廳好多，今次就想去間坐得舒服啲嘅餐廳，所以就揀左黃珍珍。餐廳坐位闊落，冷氣充足，檯與檯之前距離唔會太近。飲品嗌左青檸梳打同珍多冰。珍多冰唔太甜，啱哂怕甜嘅朋友。泰國生蝦好土豪🤣有專人倒水入乾冰營造煙霧效果。沙爹有豬、牛、雞各兩串，香口軟熟。夏日限定燒牛肉，唔太生唔太熟，加菠蘿食有種甜味中和牛嘅味道，十分好食。泰國炒粉同小食拼盆就不過不失，勝在擺盆十分靚，打卡一流。馬拉盞炒通菜，冇葉嘅🤣但都香口好食。