影片
更多
2019-05-08
331 瀏覽
阿女最愛就係韓燒同打邊爐 (放題個隻) 既然佢今日咁乖除左我去做treatment, 我就請佢食打邊爐啦~ 是日4:30 就去食，差唔多包場咁濟~XD 因為佢唔同時段都唔同價錢，4點半前就最抵 食2個鐘，食到6點半，剛剛好~呢間位於Food court 最入面，好易錯過，不過地方有夠大的 而且裝修都幾別緻，好有日式感覺，兩邊仲有唔少幾寬落既卡位 枱同枱之間都好闊，唔會椅背貼椅背個D，行出行入攞野都唔怕撞到人呢度仲有一個好處，就係通風非常好，四周都無圍住，唔怕食到好煙每枱都有呢套野，好夠細心呢~呢度採用半自助式點餐 有D係用Apps 點餐 (肉，海鮮 ，魚生刺身，炸物) 有D就自己出去拎丸呀，菇類，麵食都可以係呢個櫃自己攞 每款都擺放好整齊，D丸溫度控制得幾好，唔會一粒粒冰咁但又唔會出哂水 ~ 菇，瓜菜類都好多選擇，啱哂女仔~ 食自助餐唔怕無野食，最怕係D野污糟 睇下呢度既野咁乾淨整齊，食都食得開心D~至於調味料方面，當然乾淨衛生最重要 選擇就正常野~ 應有既佢都有~呢度既湯底都有得自助~是日唔太多人，姐姐都一直有幫我加水~ 唔使自己拎飲品方面除左有可樂個D
既然佢今日咁乖除左我去做treatment, 我就請佢食打邊爐啦~
是日4:30 就去食，差唔多包場咁濟~XD 因為佢唔同時段都唔同價錢，4點半前就最抵
食2個鐘，食到6點半，剛剛好~
呢間位於Food court 最入面，好易錯過，不過地方有夠大的而且裝修都幾別緻，好有日式感覺，兩邊仲有唔少幾寬落既卡位
枱同枱之間都好闊，唔會椅背貼椅背個D，行出行入攞野都唔怕撞到人
呢度仲有一個好處，就係通風非常好，四周都無圍住，唔怕食到好煙
每枱都有呢套野，好夠細心呢~
呢度採用半自助式點餐 有D係用Apps 點餐 (肉，海鮮 ，魚生刺身，炸物)
有D就自己出去拎
丸呀，菇類，麵食都可以係呢個櫃自己攞每款都擺放好整齊，D丸溫度控制得幾好，唔會一粒粒冰咁但又唔會出哂水
~
菇，瓜菜類都好多選擇，啱哂女仔~
食自助餐唔怕無野食，最怕係D野污糟睇下呢度既野咁乾淨整齊，食都食得開心D~
至於調味料方面，當然乾淨衛生最重要選擇就正常野~
應有既佢都有~
呢度既湯底都有得自助~是日唔太多人，姐姐都一直有幫我加水~ 唔使自己拎
飲品方面除左有可樂個D，仲有一系列既康師傳既新口味比較特別~
是日我揀左特選美國牛肉個個餐，可以點呢款特選牛肉牛肉偏瘦，雪花唔算好多，但亦很均勻~~
因為瘦底既關係，拖幾下就好食，太熟就會嚡~湯底叫左壽喜燒，食牛肉最正，呢個濃底味道都幾濃，唔使再沾醬都夠哂味~
另外叫左APPS內的2款牛質素都幾好，望落幾新鮮，薄切，快熟，唔韌，唔會成舊雪
海鮮叫左少少試下，打算諗住好既再叫第二轉 (可惜太飽唔落了) 望落都好大隻，幾靚仔~
最驚喜係D蜆仔，幾厚肉，漲卜卜~刺身賣相不過不失，都幾厚切，而且唔會成舊雪~
放題黎講，算幾好，我自己一個KO哂成盤，好滿足呀~
壽司就點俾女女，女女話好味，幾下已經鯨吞了~HAHA
天婦羅同炸物，賣相還可以，特別要讚下有專俾天婦羅用既汁~呢盤都係阿女KO哂~ 蕃薯仔仲要點多串添~
係那個丸炸得有點兒硬~
甜品方面就普通D，大路的雪糕同4款甜品太飽，放棄了
最後本黎打算碌個拉麵，可惜個麵煮左好耐都未淋，水都乾咁濟~ 姐姐話應該好快淋，可能我太少水~XD
呢度既服務都幾好，又提我地攞野飲，收碟，加湯都快~
張貼
