115
1
4
所有分店 (2)
電話號碼
21511388
營業時間
今日營業
11:00 - 22:00
星期一至四
11:00 - 22:00
星期五至六
11:00 - 22:30
星期日
11:00 - 22:00
公眾假期
11:00 - 22:30
付款方式
Visa Master 現金 八達通 銀聯
其他資料
加一服務費
食評 (126)
琴晚同朋友一行3人黎打邊爐,本身門口望入去,見到得個雪櫃仔放邊爐料,都唔係太大期望。但志在同朋友傾下計,咁照入啦。但估唔到服務都幾差下。-90分鐘放題,我地20:10入座,21:00要加湯既時候個呀姐西晒面,一野倒啲湯落煲入面,語氣勁差咁:「我地就黎收舖架喇!」我同朋友們都黑人問號,仲有成40分鐘wo!-冇人執枱:成間舖得幾枱客,啲呀姐眼望望又唔執枱,成枱都堆滿晒吉碟。-就夠鐘既時候,其實我地已經一早熄晒爐食緊雪糕,然而當我地執緊野打算走既時候,個呀姐再一次走過黎催:你地夠鐘交枱啦!(其實只係遲左一分鐘⋯間舖仲有其他客人遲過我地黎,所以應該冇咁快收舖🙄食物:-啲天婦羅同炸物有燈照住都係凍既-邊爐料得啲丸類,唔食丸既基本上冇野好食-壽喜燒啲蛋打三隻有兩隻都係壞,出面仲好多雞屎,應該唔係日本蛋結論:-埋單$198其實去返牛X嗰啲仲有禮貌+乾淨-想受氣既咪繼續黎食,包你後悔Ps. 朋友食完即刻肚痛,我就唔知關唔關事啦 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-05
447 瀏覽
日式甜鼓油湯底加牛簡直係世界上一大發明!其實好難唔好味,因為呢個甜甜地嘅湯底,加埋越打越出既牛味,肉味濃郁有層次,不過⋯⋯👉🏻 湯底太稀👉🏻 打左好多牛都係唔太濃味👉🏻 牛肉同其他日式邊路嘅牛肉質量差唔多,都唔會期望過高,但可以啦👉🏻 基本上都唔係好食得出牛同埋豬嘅分別👉🏻 熟食有串燒、壽司,壽司好明顯唔會夾啦,串燒係凍嘅👉🏻 炸饅頭OK;炸薯角都OK👉🏻 8:30pm後入座每位減$20,9:30pm last order, 10pm要走👉🏻雀巢細杯裝雪糕其實只要個湯底唔好偷工減料,基本上呢啲餸都唔需要點樣好新鮮,呢個煱就會好味,但⋯ 佢做唔到。日牛會好味過佢 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-05
1581 瀏覽
喺團購見到幾抵,再上嚟睇吓食評見午巿178有刺身,炸物,串燒,壽司,又有火鍋,即刻約朋友嚟試。大概兩點左右,只有兩枱客人,餐廳都幾大,樓面只有一個職員,不過好有禮貌。坐低叫咗個壽喜燒鍋底,睇吓自助吧,原來除咗刺身,熟食同壽司都喺喺外面,得幾款,另有雪櫃分別放火鍋配料,飲品同雪糕。刺身,牛,豬,海鮮係用Qr code落單。我自己感覺就當係嚟食刺身,火鍋嘅食材真係一般,同幾個月前嘅食評真差距,不過服務都幾好,唔只收碟勤力,落單後好快就有。用QR code落單嘅食物:刺身都可以,有9-10款,落幾多比足。牛肉同豚肉真係勁薄,兩款都一般。海鮮:蝦,東風螺,蜆,魷魚,花膠片,元貝仔,無咩鮮味,花膠仔都幾滑,不過太細粒,除咗花膠仔有再落單,其他都無。自助吧:沙律唔知係唔係要自己落醬汁,無味。壽司都可以。燒物同炸物真係好少。火鍋配料:飲品選擇都幾多。飲品櫃有擺甜品,牛奶布甸幾香滑。雀巢雪糕。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-21
441 瀏覽
今日(21)睇左食評先去,點知中伏!去到約12:30只見一㭘客,己心知不妙!但都黎左咪入去試下,首先企係門口冇人招呼,約一分鐿先有個女侍應咬住支雪條行入黎問我幾位?然後-路食住支雪條-路带我入座,我就叫左138餐食90分鐘,後發現成問铺就只有-個侍應就係雪條妹|咁叫左意米湯底,出去睇下有咩食,嚇左-跳,菜得油麥菜(好細條)同唐生菜,睇樣吾新鲜,菰類得花菇和鲜東菇,其他丸類放左一個有趟門冰柜内,非常少種類,同埋有趟門食物柜只可容一個人去夾丸,趟門闊度约兩個家庭雪柜咁闊,我真係吾知多個一個人點去夾野?l炸物全凍及無refill,有D仲係得番D吉碟放係度!食$138牛肉可以話比大家聽你地去街市買40.至50蚊磅牛肉仲好食個佢我話比大家聽佢地D牛肉一碟面有兩種肉色,-種係淡紅色,另—種係淡肉色(好似人皮膚咁色)第-轉兩碟都係咁,放左落湯大部份都會散,即係你夾一片牛肉落去,夾起時得番半片或更少,超吾新鮮,完全無味,超伏!豬肉好DD食左-轉吾食叫埋單,雪條妹吾理我?再三叫埋單原來係度傾電話,拎張單黎仲夾住手提係度傾,真係把幾火,出左門口去隔離陳記燒鵝食左午市套餐填飽個肚先走我都吾明係openrice點解咁多好評?食飯時間得一枱客就知伏,但我諗吾到可以伏到咁!!! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-21
335 瀏覽
海鮮、壽司、燒物及火鍋肉類等種類款式少到離譜(無正式餐單提供),服務員不實介紹,要客人用 QR code 睇食材,每位 $2百幾蚊都唔需要 1 小時就無嘢可食,浪費金錢及時間,仲慘過去大XX食嘢,食完心情更差... 繼續閱讀
(以上食評乃用戶個人意見 , 並不代表OpenRice之觀點。)