犇殿台灣火鍋 (青衣城1) (已結業)

又係朋友介紹   身邊啲精明朋友最叻搵好野食,其次就係搵著數!!
咁都比佢留意到呢間餐廳8月內做會員就可以有一個免費指定套餐90分鐘放題套餐優惠
(雖然個優惠係要帶一位同行朋友一齊去食, 做會員嗰位先free, 但點諗都好抵)
湯底我地要左個椰子雞, 一上檯隻香味就令到我地車左個麵落去淥左先!!!

好香椰子味~

當日食得太多野, 最令我深刻就係呢款牛~ 真係一放入口就feel到啲牛嘅級數好唔同。(非專業食家嘅我, 食親放題都唔知自己食緊咩牛)

1

同最平嗰款牛比, 呢隻真係咬一咬就化, 唔會好似吞紙巾咁

飲品方便我最鍾意荔枝紅茶, 唔甜又有茶香味~

1

黑葉荔枝紅茶

最後食左3杯movenpick+2杯海鹽雪糕先走...
說好的唔會食得太飽
結論係十分十分滿意呢間餐廳~ 員工好nice, 收碟上菜都超快!!
希望快啲再有優惠!!