火五越式牛肉粉專門店 (華生樓) (已結業)

一直都知道界限街有好多嘢食，但係成日食嚟食去都係嗰間意粉同埋外賣餃子，今次試吓其他嘢，揀咗間越南嘢食。食越南河粉一定要食最豐盛嘅，又生牛肉肥牛熟牛肉牛丸等等，值得欣賞嘅係佢個湯底好清甜，一啲都唔係味精湯，而且生芽菜同其他配料都可以自己控制分量加入去，我嘅食法係加少少越南魚露，吊返香成碗野嘅味道。另外叫咗個豬頸肉飯，佢係乾撈飯嚟嘅幾特別，呢度嘅肉類全部都處理得很不錯，豬頸肉亦都唔會係肥得好緊要嗰隻，醃得都相當入味。小食方面叫咗牛油雞翼同埋蝦春卷，因為見個個都推介下春卷所以叫你試吓，炸物普遍都OK，但係千祈唔好放太耐食，新鮮上菜嘅時候快啲食咁樣會最好。飲品叫咗個三色冰，由於我太鍾意飲椰汁嘅關係，我覺得所有椰汁嘅飲品都好飲嘅。