吉壽日本料理 (已結業)

旺角係約人食飯傾計行街好地方，交通方便四通八達，就算大家住對角，旺角都係中心點，今晚就約左好朋友晩飯，見近雅蘭乎近有好多單張派，其中一間係吉壽日本料理，同好朋友傾計最好莫過于食放題，有飲有食無顧慮，況且放工呢個黃金時段都係$218咋，上到去服務唔錯，仲有卡位坐，感覺已經良好，行左個圈有好多冷、熱飲品揀，啤酒有三款，加埋清酒梅酒，淨係買醉都抵😜講真食放題梗有啲出色，梗有啲麻麻哋，吉壽我最欣賞燒物，香草紐西蘭羊鞍及鹽燒鯖花魚，醃配味道啱啱好，燒得夠香脆榴槤炸彈都好食，我原本都無乜期望有surprise，估唔到一咬即標香濃榴槤醬佢哋剌身都想攞出嚟研究下，俾我食到護墊咁薄嘅魚生，好刀法🔪👍🏼💟最後，讚下有紙巾、餐巾及濕紙巾免費提供👍🏼，唔好以為必然，暫時試過有兩間話無餐巾供應，如要紙巾請付兩蚊🙄