殿·大喜屋

營業中

休息中

今日大學聯招放榜，外甥派到心儀大學學科，一於請佢食靚放題慶祝一吓，預訂旺角殿大喜屋，中午未到12點已有排隊人龍，職員安排超快兩三分鐘已入座。進店已見大型自助區，區內食物好吸引，有前菜熟食，凍海鮮，點心，超多選擇的飲品，甜品雪糕，仲有三文魚子任食。刺身松葉蟹腳、三文魚、赤貝、凡立貝、更有藍鰭吞拿魚全部任點任食，刺身新鮮，仲有期間限定鱘魚子醬必定要食。壽司軍艦選擇好多，有超受歡迎嘅蟹籽軍艦、海膽軍艦、蟹棒壽司、熟蝦壽司，新設計嘅三文魚子海膽拖羅蓉TACO,絕對係近期最受歡迎之選。鹽焗奄仔蟹，燒生蠔，避風塘炒蟹泰式咖哩大頭蝦，全部都係用新鮮蝦蟹特別鮮甜。鵝肝多士好嫩滑，紅燒乳鴿皇即叫即燒超好食，芝麻雞翼超香脆。店員服務細心中途幫我換筷子，最後食埋甜品雪糕完美用餐完畢。