影片
更多
2019-04-25
687 瀏覽
早排又去左帝苑酒店食野，佢地咁多間餐廳，今次就試下佢地係3樓嘅Le Soleil越南餐廳。佢地嘅越南餐廳好有特色，位於3樓但都要再上一條短短嘅樓梯先到餐廳，好似係空中咁，餐廳環境靚又有特色。一去到門口就見到擺左個牌出黎介紹新菜式，原來最近出左D越南嘅清新菜，仲係由佢地嘅越南廚師親自主理....(佢地越南廚師幾靚女...)。越南人親自整越南菜喎，點都要嗌幾款試下。我地首先試左尼個越式蒸粉包，係侍應介紹我地食嘅，話係佢地嘅signature。的確，又真係幾好食，裡面有蟹肉、蝦、甘筍等，皮又夠薄，加D魚露一齊食，成件事好夾。尼個鮮蝦扎肉米紙卷都係頭盤黎，係其中一款清新菜，入面有原隻鮮蝦，一睇就知好足料。食尼個米紙卷一定要配佢個秘製醬汁，係用新鮮酸子調配嘅，所以食落清新之餘又唔會膩，仲可以on top加D乾蔥同花生碎，咁樣就會多D咬口喇~尼個都係其中一道清新菜，蕉葉青檸燒紅立魚。鐘意食香口野嘅可以試下尼個菜式，平時少食越南野，真係唔知原來有咁有特色嘅菜式。紅立魚燒到外脆內嫩，另有跟3款醬汁：南薑汁、蔥油、醬油，我個人就比較鐘意南薑汁，有少少辣，好適合香口菜式，如果唔食辣嘅就好可以點蔥油或醬油，
佢地嘅越南餐廳好有特色，位於3樓但都要再上一條短短嘅樓梯先到餐廳，好似係空中咁，餐廳環境靚又有特色。
一去到門口就見到擺左個牌出黎介紹新菜式，原來最近出左D越南嘅清新菜，仲係由佢地嘅越南廚師親自主理....(佢地越南廚師幾靚女...)。越南人親自整越南菜喎，點都要嗌幾款試下。
我地首先試左尼個越式蒸粉包，係侍應介紹我地食嘅，話係佢地嘅signature。的確，又真係幾好食，裡面有蟹肉、蝦、甘筍等，皮又夠薄，加D魚露一齊食，成件事好夾。
尼個鮮蝦扎肉米紙卷都係頭盤黎，係其中一款清新菜，入面有原隻鮮蝦，一睇就知好足料。食尼個米紙卷一定要配佢個秘製醬汁，係用新鮮酸子調配嘅，所以食落清新之餘又唔會膩，仲可以on top加D乾蔥同花生碎，咁樣就會多D咬口喇~
尼個都係其中一道清新菜，蕉葉青檸燒紅立魚。鐘意食香口野嘅可以試下尼個菜式，平時少食越南野，真係唔知原來有咁有特色嘅菜式。紅立魚燒到外脆內嫩，另有跟3款醬汁：南薑汁、蔥油、醬油，我個人就比較鐘意南薑汁，有少少辣，好適合香口菜式，如果唔食辣嘅就好可以點蔥油或醬油，同樣都好味。
越南出名檬粉，我地就叫左個五花腩肉碎酸湯檬粉，都係來自清新菜menu嘅。湯底酸酸甜甜，因為湯頭以豬骨熬煮，仲加左青檸汁煮成嘅酸湯，食落清新開胃。想再酸D可以再加D新鮮青檸汁添！除左清新菜，我地都試左其他a la carte menu嘅菜式。
咖喱炒蟹D肉質夠肥美又夠鮮
脆皮咖喱牛腩都好入味
最後食埋個甜品—椰青果凍，椰味香濃，好refresh！仲係玫瑰花造型，無論外觀定味道都好吸引。總括黎講都幾滿意，a la carte menu上面有好多菜式都好吸引又未試，下次會再黎過！
張貼
