影片
更多
2022-10-08
828 瀏覽
喜歡食泰國嘅船麵，一定難以忘懷船湯嘅獨特深啡色濃味湯底，這款湯底叫nam tok( น้ำตก)，鮮濃的秘訣是摻入了豬或牛血，不過湯飲唔出有血腥味，反而會令到湯頭更加鮮味👍🏻👍🏻在香港比較好食又正宗嘅船湯，我會選擇位於尖沙咀樂道嘅泰濃麵，每次食完隔一排又會想食，呢度除咗船麵船湯夠正宗，好多特色小食都好好食，尤其我最鍾意食既炸芝士雲吞同蝦餅超級正😋😋🐮🍜▪️頂級安格斯牛肉船湯金邊粉 $ 89必食推介，湯底濃香嘅肉味，調味適中，越飲越上癮，每條金邊粉都吸收了湯底，非常香滑入味，自選配料選擇左安格斯牛肉，有六大片，牛肉質素超級高，放在湯裏剛剛熟，好好食，另外仲有好多唔同配料，有魚蛋，炸豬皮，秋葵，蘿蔔，香蔥，完完全全嘅泰國味呈現出嚟🐷🍜▪️黑豚肉船湯泰式河粉 $ 69湯底和配料都係一樣，黑豚肉質出奇地爽口彈牙，唔錯唔錯，這碗配河粉一樣香滑，配料魚蛋超級爽彈，蘿蔔清甜冇喳，喜歡炸豬皮獨有嘅豬油香氣，仲有原來秋葵配船湯係咁清甜好食🐔🦐🧀▪️泰式小食拼盤 $ 69（炸雞翼，蝦餅，炸芝士雲吞）一次過可以滿足晒三個願望 ，尤其係兩個人食啱啱好，芝士雲吞每次都一定要食，雲吞皮炸得超級香脆包住流心芝士，記住一定要
喜歡食泰國嘅船麵，一定難以忘懷船湯嘅獨特深啡色濃味湯底，這款湯底叫nam tok( น้ำตก)，鮮濃的秘訣是摻入了豬或牛血，不過湯飲唔出有血腥味，反而會令到湯頭更加鮮味👍🏻👍🏻
在香港比較好食又正宗嘅船湯，我會選擇位於尖沙咀樂道嘅泰濃麵，每次食完隔一排又會想食，呢度除咗船麵船湯夠正宗，好多特色小食都好好食，尤其我最鍾意食既炸芝士雲吞同蝦餅超級正😋😋
🐮🍜▪️頂級安格斯牛肉船湯金邊粉 $ 89
必食推介，湯底濃香嘅肉味，調味適中，越飲越上癮，每條金邊粉都吸收了湯底，非常香滑入味，自選配料選擇左安格斯牛肉，有六大片，牛肉質素超級高，放在湯裏剛剛熟，好好食，另外仲有好多唔同配料，有魚蛋，炸豬皮，秋葵，蘿蔔，香蔥，完完全全嘅泰國味呈現出嚟
🐷🍜▪️黑豚肉船湯泰式河粉 $ 69
湯底和配料都係一樣，黑豚肉質出奇地爽口彈牙，唔錯唔錯，這碗配河粉一樣香滑，配料魚蛋超級爽彈，蘿蔔清甜冇喳，喜歡炸豬皮獨有嘅豬油香氣，仲有原來秋葵配船湯係咁清甜好食
🐔🦐🧀▪️泰式小食拼盤 $ 69
（炸雞翼，蝦餅，炸芝士雲吞）
一次過可以滿足晒三個願望 ，尤其係兩個人食啱啱好，芝士雲吞每次都一定要食，雲吞皮炸得超級香脆包住流心芝士，記住一定要趁熱食，蝦餅香脆爽口彈牙點埋泰式酸辣汁，正正，炸雞翼充滿香茅香味，大大隻皮脆內嫩，味道鹹香，三款小食都超級美味
🥬▪️唐生菜配秘制腐乳醬 $ 29
只係晚上7:30，我點嘅時候已經係最後一份，受歡迎嘅原因好簡單，除咗生菜新鮮清甜爽脆之外，喜歡食腐乳嘅朋友一定好鍾意食，腐乳味道超級香濃，杰度剛好，配生菜實在係絕配
🧉▪️原個泰國椰青 $ 48
椰青大大個，多水清甜，同埋雪得好夠凍，非常清熱解渴
🍹▪️香茅斑蘭梳打 $ 28
梳打充滿香茅斑蘭的清香，而且唔甜，冰冰涼涼，好有泰式風味既一杯飲品
✨溫馨提示，這裏人流不斷，有心理準備繁忙時間要排隊，今晚我去到都有大量人流等位及買外賣，不過流量都算好快
張貼
