六合小廚 (已結業)

星期六嘅尖沙咀好難搵到個好地方食晚飯，行吓行吓就嚟到廣東道，見到樓上有間睇落唔錯嘅中餐，就上去碰下運氣！打開餐牌非常之多選擇，由潮式到川菜，當然仲有地道港式小炒，應有盡有，啱晒鍾意多選擇嘅我！2人餐有湯有飯仲有菜，仲有2個餸，都只係228，可以講係非常抵食！2人餐仲有3款可以選擇！🥘🍛🍜🍲我地揀嘅2人餐有口水雞🐔同魚香茄子煲🍆口水雞個辣醬好好味，對鐘意食辣嘅朋友嚟講真係唔可以放過，辣醬原來仲係店家自家製！而家隻雞非常滑，真係食到舔舔脷😋魚香茄子煲上枱熱辣辣，茄子煮得啱啱好，唔會太淋，口感一流！好好味👍👍👍我地仲貪心地叫多咗個沙拉豬排，酸酸甜甜好開胃！2人餐份量好大，我地2個大胃王食但都農d食唔哂！臨走比我地見到下午茶時段有個蒜蓉🦐蒸腸粉，呢個組合一睇就知好味，可惜只做下午茶😞下次一定要再嚟！😋