味道樂居酒屋 (河內道) (已結業)

日本嘢通常有兩個特性，一係就好食但唔夠食，一係就夠食但唔好食。但係呢個好就腳嘅地方，我覺得佢啲嘢好食得來，都對得住個價錢嘅份量。食完之後我就覺得係可以再返嚟嘅一個餐廳。一開始頭盤係個沙律，我已經覺得分量十足，有啲驚喜。食落去味道幾好，不過不失，唔係好特別，但係都係有水準。之後就係我好鍾意嘅海膽飯，雖然飯嘅份量唔多，但係海膽好新鮮，食落去係好食嘅。加埋佢下面嘅吞拿魚tata，配搭得天衣無縫， 10分！仲有個好好味嘅帶子，一是難忘，入口嗰一刻已經感受到好正，一定要試！最後係魚乾，都係有水準之作，大家如果見到我其他食評，我食親日本嘢基本上都會食魚乾，我覺得依度嘅價錢都係性價比好好嘅。