The Stadium (已結業)

朋友曾經介紹過呢間餐廳話地方闊落食物味美，今日喺觀塘，就特登行過去試吓。叫咗$148嘅「碳燒西冷牛扒8oz」，連餐湯同飲品。餐湯好快就嚟到，今日係南瓜湯，幾香南瓜味幾creamy，簡單得來好飲。跟住就上西冷牛扒，連埋一把頗巨型嘅餐刀，幾典型嘅美式賣相。牛扒要咗七成熟，師傅火候控制得幾好；肉質有啲咬頭，幾好牛味，沾蒜蓉牛油汁更加好食。配菜仲有大條炸薯角（份量好多）、一件新鮮蕃茄、一件烤南瓜、同埋一件好似係烤絲瓜，全部都幾好味😋咖啡就超級濃郁。非常滿足嘅一餐😋另外，呢度環境相當闊落，幾relaxing，仲可以坐喺室外露台，可能係咁嘅原因，喺中午時間已經見到好多人飲啤酒🍻😆