大快活 (滙景廣場)

終於OT完放工返屋企，煮唔切飯唯有同同事食個大快活填一填肚先返屋企。

講真好耐冇食+冇抱太大期望，但呢個世界就係冇期望反而令人有驚喜。

接近9點仲有家常小菜2人餐 – 2餸1湯，白飯2碗

薯仔燜滑雞飯 – 1碗餸分量正常唔太少，雞好滑調味唔太咸，薯仔煮得好淋好入味，整體各方面不過不失。

薯仔燜滑雞飯

豉汁蒸鯧魚飯 – 原條魚上，聞落好香，火侯蒸得岩岩好唔會老，魚肉身好滑，點少少豉油食好好味。

豉汁蒸鯧魚飯

最後飲湯  - 合掌瓜湯: – 足料湯好濃味唔稀，家常便飯黎講真係好滿足。