大快活 (滙景廣場)

終於OT完放工返屋企，煮唔切飯唯有同同事食個大快活填一填肚先返屋企。講真好耐冇食+冇抱太大期望，但呢個世界就係冇期望反而令人有驚喜。接近9點仲有家常小菜2人餐 – 2餸1湯，白飯2碗薯仔燜滑雞飯 – 1碗餸分量正常唔太少，雞好滑調味唔太咸，薯仔煮得好淋好入味，整體各方面不過不失。豉汁蒸鯧魚飯 – 原條魚上，聞落好香，火侯蒸得岩岩好唔會老，魚肉身好滑，點少少豉油食好好味。最後飲湯  - 合掌瓜湯: – 足料湯好濃味唔稀，家常便飯黎講真係好滿足。…查看更多

兩點幾起身、食lunch又唔係、但係又唔想食太多野。所以就去咗大快活食咖喱魚蛋米粉大快活嘅下午茶選擇非常之多非常豐富我叫咗碗咖喱魚蛋米同埋配一杯熱奶茶咖喱魚蛋非常之爽口、咖喱汁非常之正有人覺得唔夠味 會攞埋胡椒粉粉或者辣椒油去撈米粉 但係我覺得唔需要 就咁咖喱汁撈落米粉食好正 同埋本身佢米粉個湯底都好夠味熱奶茶亦都好滑、茶香好夠環境亦都坐得舒服 可以慢慢食同埋玩吓手機雖然係下午茶同埋份量中等，但係其實你加埋杯熱飲都會夠飽…查看更多

咁啱行街經過好耐冇食過大快活 所以入去試吓佢個下午茶餐$32 連野飲一碗雪菜肉絲米+三文治+無糖綠茶個三文治有好多芝士，鍾意食芝士嘅一定要試吓！！杯無糖綠茶有驚喜！真係0糖！會有少少苦！…查看更多

疫情開始，我就成日叫大快活早餐，因為佢外賣自取有９折所以我成日都響屋企用手機落單，PAYME比$, 超級方便!基本上一星期都會有一日叫佢, 就係食牛扒煎旦, 好好味架牛扒又大, 最緊要係佢杯奶茶好好飲, 攪到愈食愈肥了~~…查看更多

星期日上晝去咗大快活食個早餐見到呢個每週驚喜優惠覺得都幾平其實平日都留意到每週驚喜優惠不過成日好快就賣曬好好彩今日仲有得賣每週驚喜優惠包咗紮肉湯上海幼麵,吉列豬扒同埋多士 都係31蚊仲要有杯嘢飲,既經濟又實惠睇返份量都算適中吉列豬扒都炸得夠脆點埋個沙律醬就好夾上海麵份量適中都幾好味湯唔係清湯都幾好味配合個扎肉食完都會有飽肚感覺性價比不錯的早餐推介菜式:每週驚喜優惠吉列豬扒#吉列豬扒#性價比#大快活…查看更多

一直都知道快餐店基本服務嘅質素唔會有好大期望,外賣等左15分鐘顯示屏一直唔見自己號碼出現, 唯有上吧枱前查詢🔍，誰不知放置在眼前10分鐘嘅外賣盒，原來是自己的，攞外賣給我的是一位經理嘅人員，問點解放置10分鐘以上都冇人按制給客人取，他只是面無表情冷淡的給我一句忘記了撳掣🤏呢啲咪大快活精神⁉️…查看更多

什扒餐永遠都是我這一代兒時的回憶，那滾燙鐡板，薯菜、滿滿的肉、淋上黑招汁冒濃濃白煙⋯⋯用餐紙巾來擋四濺汁液就彷彿變成一種儀式般，雖然今天講究健康飲食，不敢多吃，但間中亦敵不過來自靈魂的呼喊，走到街坊食店大快活懷緬一番，明知他們只徒具形式跟回憶分別很大，這個年紀也只能將就健康！…查看更多

下午茶時間有啲肚餓, 所以去咗大快活埋買下午茶餐。我買咗一個即煎西多士（可以揀煉奶或者糖膠），我揀咗糖膠。另外餐包埋一杯紅豆冰，另外加多一隻蜜味燒雞翼。西多士煎得好香口，好重蛋味, 加埋糖膠同埋牛油超級好味. 紅豆冰好多豆, 甜度適中。燒雞翼燒得好香脆，仲有陣陣嘅蜜糖味。全部都係$40，超級抵食！…查看更多

上星期一，去左藍田地鐵站食中午餐👍🏻^_^^_^因為地方隔攝🥱，所以中午時段無咩人🤣，咁都好，👏起碼唔洗同人逼。叫左份糖醋排骨配紅米飯🍚，唔落咪精，好健康！…查看更多

天氣開始凍，又係食火鍋嘅日子，唔想去咁遠，就去左屋企附近嘅大快活叫咗個香茜皮蛋湯火鍋，湯底好香好濃，有烏冬、有肥牛、仲有芝士腸、午餐肉、蔬菜、餃子、扎肉同南瓜，食到飽晒。如果啲牛可以瘦啲就最好啦…查看更多

天氣開始涼涼地，又到每年食煲仔飯嘅好時刻， 依家食煲仔飯已經變得好方便， 唔使周圍搵舖頭，去大快活已經有得食。今次去藍田匯景商場嘅大快活，幫襯晚市煲仔飯，香茜肉餅煲仔飯($47)，同埋加配油菜($7)。香茜肉餅煲仔飯($47)，晚市有送餐服務，服務員將熱辣辣既煲仔飯送到面前，將豉油沿煲蓋邊淋落煲仔，再焗一陣，香脆既飯焦就能人人都做到。 飯同肉餅好夾，成個煲仔飯食落唔會太咸，而且有芫茜香味，好正。加埋油菜就健康哂…查看更多

記得大快活第一次推出厚切黑豚係勁好食嘅，今次再重推就完全變左個惡夢！塊豬扒仲 dry 過我，連咖喱汁都無得揀，如果唔係都可以浸下丫。個肉燥飯就普通貨色啦（本身快餐已經無乜要求）。成個餐最好食嘅可能係芝麻醬椰菜。。。…查看更多

今次試咗個魚肉春卷拼燒味(叉燒)湯瀨粉+附送凍綠茶.-魚肉春卷: 唔知堂食係點但因為我叫外賣關係佢同啲粉放埋一齊, 搞到啲春卷浸到淋曬, 味道就okay.-叉燒: 又係同春卷一樣浸住啲湯搞到好淡味, 啲肉全部都好瘦 (我鍾意肥叉多啲)-瀨粉: 好碎好難夾, 咬落去好粉一啲彈性都冇-整體來講一般般但勝在夠平, 原價$42今個禮拜有長者優惠一個餐可以減$6, 所以總共$36仲包一杯嘢飲我覺得都幾抵. 我都係推薦佢無味精系列嘅菠蘿咕嚕肉同京都肉排.🤤❤️…查看更多

今次經開藍田個邊，發現原來呢個商場都係以大眾化平民們餐廳為主，今次就食好耐冇食過嘅大快活。點左兩個主菜同朋友兩個人share 食，每款可以加$15有個中式湯，佢主打話冇味精。我點左個中式牛柳飯，單單牛肉都算幾好食，但係配埋個汁同埋啲菇嘅味加埋晒有少少酸酸地又有少少菇味怪怪地。然後佢哋加錢送嗰個湯係就係冇味精，飲完唔口渴，但係就太過鹹好似得鹽味，飲唔到材料嘅味道。然後我朋友揀咗嘅打邊爐，佢貪得意覺得可以一個人打下邊路都幾過癮，材料就中規中矩唔算太差。…查看更多

黑松露炒蛋+腸仔+多士 配蕃茄腸仔通粉 黑松露炒蛋- 黑松露沒有黑松露香味，同一般姑差唔多，無乜味道，失望，而且都較乾身。炒蛋都算香滑，一貫水平腸仔- 脆皮腸，都幾好味多士- 係焗爐啱啱摞出嚟，熱辣辣，加上大快活可以揀奶醬多，又唔使加錢，唔錯蕃茄腸仔通粉 - 比較多水，番茄醬沖淡咗，但係整體都夠蕃茄味揚揚整體評分：7/10揚揚環境評分：7/10揚揚味道評分：6.5/10揚揚服務評分：7/10 （執枱比較慢）揚揚抵食程度：7/10揚揚返食機會：7/10…查看更多