影片
更多
2023-03-03
61 瀏覽
餐廳由巴黎藍帶畢業既大廚主理，將法國菜同亞洲菜自然融合，餐牌選擇貴精不貴多，每一款都係別出心裁嘅設計菜式。餐廳擁有極高樓底，配合牆上向高處延伸嘅金翅紅額鳥壁畫，充滿藝術氛圍。Les Jamelles Pinot Noir, Languedoc, France，呢隻 Pinot Noir 由黑莓、黑醋栗同埋櫻桃釀製而成，入口散發混合紅色同黑色漿果嘅香味，配合微妙的木和香草氣味，口感豐富，味道圓滑而持久。Pani Puri，呢一道前菜帶有少少 crab cake 嘅意味，脆卜卜嘅波波裏面包住嘅係一絲絲嘅新鮮蟹肉，以香草同埋經過調配嘅 mayonnaise 調味，相當出色。Kuih Pie Tee，材料有拖羅、青提同埋日式高湯檸檬啫喱，高湯檸檬啫喱味道層次豐富，加上青提嘅清甜，同肥美嘅拖羅味道好夾。Mapo Tofu，呢個麻婆豆腐極具玩味，中間係炒香咗嘅磨菇，外邊白色嘅泡沫竟然係豆腐，再用炸脆咗嘅蓮藕薄片不住嚟食，整個體驗都相當創新。Zhangjiang Chicken Ballottine，呢個湛江雞係一雞兩味，分為雞卷同埋雞胸兩道，切片雞胸肉質滑溜，外皮煎得焦香嘅雞捲裏面係切碎咗嘅慢煮雞
餐廳由巴黎藍帶畢業既大廚主理，將法國菜同亞洲菜自然融合，餐牌選擇貴精不貴多，每一款都係別出心裁嘅設計菜式。餐廳擁有極高樓底，配合牆上向高處延伸嘅金翅紅額鳥壁畫，充滿藝術氛圍。
Les Jamelles Pinot Noir, Languedoc, France，呢隻 Pinot Noir 由黑莓、黑醋栗同埋櫻桃釀製而成，入口散發混合紅色同黑色漿果嘅香味，配合微妙的木和香草氣味，口感豐富，味道圓滑而持久。
Pani Puri，呢一道前菜帶有少少 crab cake 嘅意味，脆卜卜嘅波波裏面包住嘅係一絲絲嘅新鮮蟹肉，以香草同埋經過調配嘅 mayonnaise 調味，相當出色。
Kuih Pie Tee，材料有拖羅、青提同埋日式高湯檸檬啫喱，高湯檸檬啫喱味道層次豐富，加上青提嘅清甜，同肥美嘅拖羅味道好夾。
Mapo Tofu，呢個麻婆豆腐極具玩味，中間係炒香咗嘅磨菇，外邊白色嘅泡沫竟然係豆腐，再用炸脆咗嘅蓮藕薄片不住嚟食，整個體驗都相當創新。
Zhangjiang Chicken Ballottine，呢個湛江雞係一雞兩味，分為雞卷同埋雞胸兩道，切片雞胸肉質滑溜，外皮煎得焦香嘅雞捲裏面係切碎咗嘅慢煮雞肉，食雞一定要連皮食，今次仲要係卷住食，爽..皮。
Beef Short Ribs，用上咗美國 Prime 牛小排慢煮，口感軟嫩，牛味同油脂相當平衡，已經令人非常滿足，點知隔離個蕎麥麵仲能夠令人驚喜，大廚將蕎麥麵以我地平時港式早餐嘅炒麵呈獻，內裏層次咁豐富，有面頭香脆嘅炸豬皮，酸菜微酸開胃，仲有少少沙嗲汁嘅尾韻，美妙至極。
張貼
