圓山台灣料理 (已結業)

去台灣多次旅行，但通常到係周街食，好少話專誠去食台灣菜，今次係香港就和三五知己走咗去尖沙咀食正式台灣菜。飯店裝修雖不算豪華，但勝在清雅簡潔，原來座落這一區已經營一段頗長時間。除茶芥每位($16)，價錢十分大衆化。見menu 推介秘製麻油鷄湯，心稔會唔會太油腻，但又想試一試味道，咁就叫住半隻($198)試吓先。一大窩麻油鷄湯，入口絕不肥腻，味道有點像廣東的黄酒燉鷄湯，滋補去怯風，鷄湯味極濃。虎皮尖椒($88)，很多時都可以在港式酒家食得到，但唔理佢係台式或港式，虎皮尖椒都係我至愛之一，台式的烹調就用豆豉醬作調味料，味道比較濃郁。擔仔新竹米粉($25)是台式料理必食之選，幼幼的新竹米粉，撈入擔仔免治瘦肉，烹調簡單，但唔食就真係損失。初初唔明白乜叫炒a菜($75)，原來即係炒油蜜菜，我既格言係食飯一定要有菜，而菜一定要夠新鮮，我絕對是無菜不歡之人。食完就叫番個飯後甜品，叫了即撞豆腐花($88)，點解叫即撞，真係唔明解，但豆腐花用一個小木桶盛載，豆腐花滑溜溜的，入口清甜。食飽飽就想返家瞓覺，但老友話想相約下次再嚟食秘製麻油鷄湯，咁就下星期啦。