影片
更多
2024-03-16
796 瀏覽
講起客家菜，第一樣諗起既就係釀豆腐，而第二樣就係梅菜扣肉，第三樣可能就係茶果。今次餐廳推出既「Hakka HNY」有齊以上三樣餸，但係就以唔同嘅形式去呈現出嚟，絕對震驚眼球👀與味蕾👄。睇完Menu後，職員會先表演花露水淋乾冰，裡面有條熱毛巾，比你抹手。職員每上一道菜都會詳細解釋你食緊D乜，非常細心。第一道菜：Hakka Big Three客家三寶1⃣️甜筒形狀既苦瓜蓉➕吞拿魚他他（冇影相）苦瓜味道十分出眾2⃣️茄子蓉➕生蝦撻，十分滑溜3⃣️冇豆腐既炸豆腐配火腿，鹹香脆口第二道菜：Poon Choy盆菜今日刷新我對「盆菜」既理解，職員話「盆菜」係好多菜既意思（問號❓），所以呢道菜裡面係包括：好多白菜粒、好多紅蘿蔔粒、同埋其他蔬菜粒粒。第三道菜：Yummy Abacus美味算盤子係一個有三重口感既菜，包括魚籽、鵪鶉蛋、炸芋絲。上面仲有塊金箔添！第四道菜：Fish 魚🐟齋睇Menu我地只係知佢既species係魚但唔知佢係咩魚。職員話呢道菜係有好多魚既～包括章紅魚刺身、一個魚膠、一個客家黃酒同魚肝整成既慕斯、九肚魚魚骨。集新鮮、煙靭、順滑同香脆於一味菜。第五道菜：Salty Dragon鹽焗龍蝦沙姜雞就
今次餐廳推出既「Hakka HNY」有齊以上三樣餸，但係就以唔同嘅形式去呈現出嚟，絕對震驚眼球👀與味蕾👄。
睇完Menu後，職員會先表演花露水淋乾冰，裡面有條熱毛巾，比你抹手。
職員每上一道菜都會詳細解釋你食緊D乜，非常細心。
第一道菜：Hakka Big Three客家三寶
1⃣️甜筒形狀既苦瓜蓉➕吞拿魚他他（冇影相）
苦瓜味道十分出眾
2⃣️茄子蓉➕生蝦撻，十分滑溜
3⃣️冇豆腐既炸豆腐配火腿，鹹香脆口
第二道菜：Poon Choy盆菜
今日刷新我對「盆菜」既理解，職員話「盆菜」係好多菜既意思（問號❓），所以呢道菜裡面係包括：好多白菜粒、好多紅蘿蔔粒、同埋其他蔬菜粒粒。
第三道菜：Yummy Abacus美味算盤子
係一個有三重口感既菜，包括魚籽、鵪鶉蛋、炸芋絲。上面仲有塊金箔添！
第四道菜：Fish 魚🐟
齋睇Menu我地只係知佢既species係魚但唔知佢係咩魚。職員話呢道菜係有好多魚既～包括章紅魚刺身、一個魚膠、一個客家黃酒同魚肝整成既慕斯、九肚魚魚骨。集新鮮、煙靭、順滑同香脆於一味菜。
第五道菜：Salty Dragon鹽焗龍蝦
沙姜雞就食得多，沙姜龍蝦真係第一次！鹽焗龍蝦肉加上沙姜醬汁，真係震驚味蕾。
第六道菜：Piggy Tummy客家豬肚
胡椒豬肚切碎放係湯裡面，上有黑松露，下有蘿蔔球，又係多重口感既一道菜。
第七道菜：Lei Cha 擂茶
呢個擂茶同我平時食開嘅好唔一樣，除咗因為佢得一啖之外，仲係因為佢加上Sake。職員話盤上面嘅白米等食材係俾你影相。🤣
第八道菜：Cha Guo 茶果
呢個茶果都係令我覺得好意外，平時食嘅茶果入邊點會有鵝肝醬？！簡直係升左幾個level。
第9道菜：Pigeon/Wagyu Beef（+$300）
有兩款，梗係食齊兩款啦！慢煮乳鴿上面有啲血水，職員話可以再煎煎佢👍👍乳鴿下面係糯米包住蓮子蛋黃等食材，職員話係用咗八寶鴨嘅食材整既！
牛都發揮到應有嘅水準，油脂豐富，意大利雲吞包住牛舌都真係好唔錯！
第十道菜：Mui Choy梅菜
客家菜真係唔少得梅菜扣肉，但呢一道係梅菜雪糕，又鹹又甜嘅味道、上面有塊炸乾左嘅梅菜同魚子醬，下面有芥菜啫喱，成個菜可以用「癲」字來形容，食完會好想再食🤣
第十一道菜：Nian Gao年糕
煙靭嘅年糕包住雪糕，側邊仲有椰子糖碎做點綴，甜入心。
成個套餐就係11道菜，仲可以加分子料理小籠包，一場嚟到梗係要試吓，雖然$90一粒真係好貴😂一口咬落去爆漿，會食得出醋同埋肉嘅味道，再次衝擊味蕾與想像🫡
後記：
呢間餐廳真係難搵，對於唔係住喺港島嘅人來講，真係攀山涉水翻山越嶺先搵到。
張貼
