中華小館

營業中

休息中

今日要介紹一間新鮮發掘出黎既餐廳，係中菜館，裝修都幾靚，傳統中菜館既裝修，同長輩黎就岩晒！我地食佐黑胡椒鵝，鵝肉都充滿黑胡椒味，原來成隻鵝係用黑胡椒去醃，啲黑胡椒味已經入晒落鵝入面，鵝肉辣辣地好惹味，鵝皮亦有啲脆，口感好好，再點啲汁黎食，都係黑胡椒汁，味道就更香！之後就食佐古法無骨羊腩煲，無骨既羊腩真係好食好多，淨係食到啖啖肉，一啲都唔駛怕要吐骨，而且羊肉更柔嫩，肉質更腍，羊肉好大舊，一啖食到爽彈既羊皮，柔嫩既羊肉，綿密既羊膏，再點少少腐乳黎食，人生一大享受呀！最後食埋奶油蝦，奶油味好重，蝦好入味，而且啲蝦超級大隻，完全係啖啖蝦肉，奶油味重得來又唔會太過甜，成個口感好creamy，點多啲汁去食啲蝦就更加好食！