一本‧串里 (已結業)

珍寶赤蝦刺身👏🏻珍寶赤蝦真係好大隻好鮮甜，啲蝦肉好爽，亦都有啲稔稔地，係好新鮮嘅蝦味，蝦頭仲有蝦膏添！時令生蠔🫶🏻生蠔非常大隻，有手掌咁大，好肥好creamy，有啲海水味，但係都好鮮甜，超好食！木板海膽🫰🏻海膽好綿密好滑，橙紅色，好鮮味，唔會腥唔會臭，有啲海水味，一粒粒好似滑入喉嚨咁，可以自製海膽壽司添，用紫菜同壽司飯夾住海膽食就無咁溜，好食到爆！雜錦魚生丼👍🏻入面全部都係時令嘅海鮮，仲要數量唔少，款式都幾多，我好鍾意佢哋嘅帶子，好軟冧，好鮮甜，魷魚都好爽口，仲有啲特別啲嘅魚刺身，全部都好正！日式叉燒拉麵🤟🏻拉麵大大碗，熱辣辣，啲叉燒都幾腍，有幾塊，另外仲有好多粟米海藻，拉麵麵質硬硬地，反而幾好食，豬骨湯底都好香！