影片
更多
2023-09-22
54 瀏覽
💡土耳其風裝修火鍋店最近一段時間無打邊爐，又想搵間特別少少既火鍋店，咁岩見到有間主打新派火鍋店，可以比客人感受到異國風情，一於搵朋友去一邊打卡一邊打邊爐啦。入到餐廳坐低，見到有好多土耳其燈，而牆壁上佈置左土耳其既裝飾，果然係好有異國風情。湯底方面都有唔少選擇，食物質素亦都高水平，十分推介！🍽招牌花膠雞湯鍋 半隻🐔個湯底不得不大力激讚👍雞選用左三黃雞，個湯濃郁而鮮美，風味層次豐富，係花膠尺寸絕對稱得上巨型，店員主動地幫手剪開，方便我們進食，服務真係貼心，而花膠的質地柔軟又有彈性,我同朋友都飲左幾碗湯同食左唔少花膠先開始落雞件同埋其他食材。而雞既部份肉質嫩滑，好耐無食過咁濃郁既雞味啦，真係好高質。🍽蘋果木煙燻手切牛頸脊🐂一上枱已經睇得出牛肉十分新鮮，脂肪紋路均勻分布，而當我品嘗牛肉既時候，充分地食到煙燻既風味。牛肉本身既濃郁味道同埋微煙燻的風味增加左層次感，肉質結實飽滿，都幾有嚼口。脂肪的量恰到好處，不會過於油膩。🍽餃子拼盤 有韭菜豬肉餃、足料鮮蝦雲吞、西洋菜香菇豬肉餃、黑松露蟹肉餃，同埋蟹皇豚肉餃。每款餃子都皮薄餡滿，而我印象比較深既有，鮮蝦雲吞內包著大大粒的珍寶大蝦，口感新鮮爽彈，蝦鮮
最近一段時間無打邊爐，又想搵間特別少少既火鍋店，咁岩見到有間主打新派火鍋店，可以比客人感受到異國風情，一於搵朋友去一邊打卡一邊打邊爐啦。
入到餐廳坐低，見到有好多土耳其燈，而牆壁上佈置左土耳其既裝飾，果然係好有異國風情。湯底方面都有唔少選擇，食物質素亦都高水平，十分推介！
🍽招牌花膠雞湯鍋 半隻🐔
個湯底不得不大力激讚👍雞選用左三黃雞，個湯濃郁而鮮美，風味層次豐富，係花膠尺寸絕對稱得上巨型，店員主動地幫手剪開，方便我們進食，服務真係貼心，而花膠的質地柔軟又有彈性,我同朋友都飲左幾碗湯同食左唔少花膠先開始落雞件同埋其他食材。而雞既部份肉質嫩滑，好耐無食過咁濃郁既雞味啦，真係好高質。
🍽蘋果木煙燻手切牛頸脊🐂
一上枱已經睇得出牛肉十分新鮮，脂肪紋路均勻分布，而當我品嘗牛肉既時候，充分地食到煙燻既風味。牛肉本身既濃郁味道同埋微煙燻的風味增加左層次感，肉質結實飽滿，都幾有嚼口。脂肪的量恰到好處，不會過於油膩。
🍽餃子拼盤
有韭菜豬肉餃、足料鮮蝦雲吞、西洋菜香菇豬肉餃、黑松露蟹肉餃，同埋蟹皇豚肉餃。
每款餃子都皮薄餡滿，而我印象比較深既有，鮮蝦雲吞內包著大大粒的珍寶大蝦，口感新鮮爽彈，蝦鮮味十足，黑松露蟹肉餃充滿著香濃的黑松露香氣，結合左蟹肉既味道。
🍽豐盛蔬菜拼盤🥬
打邊爐食肉之外都要補返蔬菜，咁樣先會健康架嘛，叫左份2人量既蔬菜拼盤，份量十足，有娃娃菜，菜心，蕃茄，蘿蔔同南瓜，每樣蔬菜都好新鮮，清甜美味。
🍽足料竹蔗茅根🍹
竹蔗茅根既器皿非常之有特色，好似一個透明地球儀器咁既球體，而個份量相當大，非常適合與朋友分享同埋打卡！竹蔗茅根清甜解渴，唔會過於甜膩，岩晒打邊爐既時侯飲！
張貼
