影片
更多
2021-12-18
31 瀏覽
依間舖頭嘅裝修非常有趣，用咗土耳其為主題，好多油燈、熱氣球、地氈等，充滿異國風情。如果唔睇名真係以為係土耳其菜，其實係一間食火鍋嘅專門店。蒜香特色卜卜蜆鍋火鍋湯底嘅選擇十分多，花膠雞、麻辣鴨血、胡椒豬骨、冬瓜盅等，今次就揀咗蒜香卜卜蜆，可以話非常滿足！蜆嘅份量超多，而且粒粒開殼，完全冇沙。清酒鮮牛肉用咗清酒醃製嘅鮮牛肉，聞落已經有淡淡的清酒香，煮熟咗依然帶有清酒嘅鮮甜，肉質都唔差，非常鮮嫩。瑤柱乾貝滑蝦滑同墨魚滑都食得多，瑤柱滑真係第一次見，口感上依然彈牙，感覺高級，淡淡都係乾瑤柱嘅鮮味。黑松露蟹肉餃黑松露味唔算太濃，只係淡淡的，反而唔會搶咗蟹肉嘅鮮味，可以話兩者配合起來相得益彰。手打芝心牛肉丸食嘅時候要好小心，因為會爆芝！煮熟咗之後，彈牙嘅牛丸入面有拉斯嘅芝士，口感一流。伊麵份量好多，吸晒啲蒜蓉卜卜蜆湯汁，十分滋味。竹蓆茅根容器係非常獨特嘅造型，好似一個地球儀，下面有個水喉位出水，打卡一流。
蒜香特色卜卜蜆鍋
火鍋湯底嘅選擇十分多，花膠雞、麻辣鴨血、胡椒豬骨、冬瓜盅等，今次就揀咗蒜香卜卜蜆，可以話非常滿足！蜆嘅份量超多，而且粒粒開殼，完全冇沙。
清酒鮮牛肉
用咗清酒醃製嘅鮮牛肉，聞落已經有淡淡的清酒香，煮熟咗依然帶有清酒嘅鮮甜，肉質都唔差，非常鮮嫩。
瑤柱乾貝滑
蝦滑同墨魚滑都食得多，瑤柱滑真係第一次見，口感上依然彈牙，感覺高級，淡淡都係乾瑤柱嘅鮮味。
黑松露蟹肉餃
黑松露味唔算太濃，只係淡淡的，反而唔會搶咗蟹肉嘅鮮味，可以話兩者配合起來相得益彰。
手打芝心牛肉丸
食嘅時候要好小心，因為會爆芝！煮熟咗之後，彈牙嘅牛丸入面有拉斯嘅芝士，口感一流。
伊麵
份量好多，吸晒啲蒜蓉卜卜蜆湯汁，十分滋味。
竹蓆茅根
容器係非常獨特嘅造型，好似一個地球儀，下面有個水喉位出水，打卡一流。
張貼
