影片
更多
2013-08-19
233 瀏覽
筆者好少出無圖食評,不過一出就肯定係劣評.因為若然我無影相而又覺得間食肆好食值得推介,我會再去幫襯補影相.若然無影相而又覺得間食肆唔得,就當然不會再去影相咁笨啦,係咪先?而芸芸眾多唔得嘅食肆入面,又總會有很多到最後是不了了之無寫.剩返寫得出嚟嘅,就一定係劣評之中的極品!位於北帝街的新仙清湯腩,是砵蘭街新仙挾米芝蓮推介之威在土瓜灣開設的分店.其清湯腩及咖喱腩的味道,跟早幾年開到成行成市的生龍清湯腩相近.而後者在分店越開越多的情況下,食物質素越來越差.故此,筆者樂見新仙能夠繼續提供有質素的巴基斯坦咖喱.早上十一時多,筆者在跟朋友打波前,提早到新仙吃個午飯.這個時間新仙應該是剛開鋪,人客不多而且阿姐還在清潔牆壁.筆者坐下後照舊點了一個HKD37的咖喱牛筋牛肚飯配凍檸茶(凍飲+HKD2).在飯未來之前,檸茶先來,筆者下意識篤了幾下檸檬就啜來飲...一飲入口,怎麼檸檬茶會有咖喱味?!再細看檸茶表面浮著油花,不問而知是檸茶被污染了.跟阿姐投訴後換了一杯,同樣有咖喱味!!再要求更換時阿姐開始有火(我都未有火佢有火,俾個叻佢),反指那應該是檸檬味.我請她用另一枝飲管試試面頭那浸油,個阿姐就篤咗支飲管落
位於北帝街的新仙清湯腩,是砵蘭街新仙挾米芝蓮推介之威在土瓜灣開設的分店.其清湯腩及咖喱腩的味道,跟早幾年開到成行成市的生龍清湯腩相近.而後者在分店越開越多的情況下,食物質素越來越差.故此,筆者樂見新仙能夠繼續提供有質素的巴基斯坦咖喱.
早上十一時多,筆者在跟朋友打波前,提早到新仙吃個午飯.這個時間新仙應該是剛開鋪,人客不多而且阿姐還在清潔牆壁.筆者坐下後照舊點了一個HKD37的咖喱牛筋牛肚飯配凍檸茶(凍飲+HKD2).在飯未來之前,檸茶先來,筆者下意識篤了幾下檸檬就啜來飲...一飲入口,怎麼檸檬茶會有咖喱味?!再細看檸茶表面浮著油花,不問而知是檸茶被污染了.跟阿姐投訴後換了一杯,同樣有咖喱味!!再要求更換時阿姐開始有火(我都未有火佢有火,俾個叻佢),反指那應該是檸檬味.我請她用另一枝飲管試試面頭那浸油,個阿姐就篤咗支飲管落底試然後猛跟我說好好味.最後,我轉了飲熱好立克.
跟著到咖喱牛筋牛肚飯上桌,飯和咖喱牛筋牛肚都正常,但咖喱入面啲薯仔有酸味,我到此刻經已連投訴都廢事,食剩半碟飯渣渣淋埋單走人.
用餐期間隔離枱客人問阿姐其清湯爽腩河有無跟餐飲,阿姐諗都唔諗就話無,仲老作話因為那位客人點了爽腩河而非普通腩河所以無.但筆者作為熟客,知道其實套餐加三蚊已可轉爽腩,出於好心便提了那位客人一句.阿姐即刻新仇舊恨一齊來,又話"嗰個餐轉爽腩都要加錢,你唔好以為唔駛錢有嘢飲",又話"街坊生意唔會呃人"...
阿姐,綜觀你當日的表現,你的確唔係有心呃人,不過你做嘢求其揦篩,有錯又唔認,加上你哋杯凍咖喱茶,我肯定唔會再幫襯!!
題外話/補充資料：
再來補充以前在新仙的見聞,新仙的員工,在講客人閒話時是毫不避忌的.筆者就試過在用餐時聽到她們討論某土瓜灣唐樓客叫外賣要佢哋行四層樓梯唔俾貼士.描述得繪聲繪影:"若果係女人開門就肯定無(貼士),若果係男人開門呢...就更加無(貼士)".
唉,需知道貼士係用來表示對你哋服務感到滿意,而唔係老馮.以你哋咁嘅態度,咁嘅服務,我希望你哋剩係討論個客有無俾貼士而唔會有任何跟進行動啦.
(以上食評乃用戶個人意見 , 並不代表OpenRice之觀點。)
張貼