遇見您

朋友知道我鐘意食火山骨，佢話土瓜灣有間餐廳有火山骨食，所以帶我去試下。

自家秘製火山骨（細）

自家秘製火山骨（細）
火山骨可以揀落唔落辣汁，所以唔食得辣嘅朋友都可以試。火山骨超級大件，份量好多，啱晒同朋友一齊share！火山骨底下嘅醬汁亦都非常惹味。

黑椒豬手配酸菜飯

黑椒豬手配酸菜飯
豬手肉份量都幾多，質感非常軟腍，亦都整得非常入味。酸菜同醬汁都好惹味，送飯食真係一流！

芝士鮮茄焗厚切豬扒飯

芝士鮮茄焗厚切豬扒飯
焗豬扒飯即叫即焗，熱辣辣新鮮出爐！芝士非常拉絲，再配上炒飯底！豬扒好厚肉，質感濕潤，唔會乾。