富粥 (已結業)

唔小心中了招，醫生話要食清淡D，打算清清地食碗粥，剛好在土瓜灣道落車，揀了「富粥」。店內主打「台山腸粉」，有好多唔同雙併組合，見未試過，揀了雞蛋蝦米腸同粟米生菜粥。腸粉即整，要等一陣。粥先送到，粥底綿綿，味道剛好，最驚遇到太稀或太杰或太味精的粥底，生菜同粟米粒都多，啖啖都有料。腸粉送到，是king size的皺皮版，上面淋上豉油，兩大條腸粉和雞蛋、蝦米混埋一齊，已預先𠝹成三段。腸粉好滑，和甜豉好㚒！有D食陳村粉嘅感覺。值得再食！