影片
更多
2013-09-16
1537 瀏覽
WOW,是俄國菜團購!自從出色既Balalaika結業後,已經好耐沒食過啦...一入到去就見到個青靚白淨既外國靚仔,應該係MIX來的吧,因為佢操流利廣東話,搞到我一時唔知講英文定廣東話好@@而我最喜歡既就係自以為風趣既老闆,等前菜既30分鐘想問佢拎杯水,佢問乜野水,我就話普通tap water得啦,佢仲強調總之即係唔使錢果種啦!係gf面前,小弟當堂自慚形穢,冇計, 小弟家貧, 比左4舊水食個2人套餐之後,小弟已經再冇錢叫要錢既水啦(途中更多老闆爛gag不能盡錄, 請見諒)經過漫長既餐前等待後,終於見到第一道菜了相信這綠色羅宋湯+格魯吉亞辣肉片湯一定係即叫即蒸,如果唔係點會咁耐呢?綠色羅宋湯D酸菜同個湯簡直合而為一,個湯酸到冇朋友而辣肉片湯辣辣地,加埋D柴皮瘦肉,完全就係一碗出色既茶餐廳辣湯~三文魚子係平時食壽司果種,用PANCAKE皮包住,加上一堆CREAM,味道都OK其餘的沙律都唔錯,好CREAMY,仲好飽肚添左:招牌芝士焗牛脷, 咦喂,芝士呢?嗯, 一定係溶左係個醬度,所以個醬先會咁咸,加埋D急凍既正方型牛脷粒,WOW, 呢個咪CC茶餐廳既招牌牛脷飯?!雖則我覺得CC茶餐廳比較好味
是俄國菜團購!
自從出色既Balalaika結業後,
已經好耐沒食過啦...
一入到去就見到個青靚白淨既外國靚仔,
應該係MIX來的吧,
因為佢操流利廣東話,
搞到我一時唔知講英文定廣東話好@@
而我最喜歡既就係自以為風趣既老闆,
等前菜既30分鐘想問佢拎杯水,
佢問乜野水,
我就話普通tap water得啦,
佢仲強調總之即係唔使錢果種啦!
係gf面前,小弟當堂自慚形穢,
冇計, 小弟家貧, 比左4舊水食個2人套餐之後,
小弟已經再冇錢叫要錢既水啦
(途中更多老闆爛gag不能盡錄, 請見諒)
經過漫長既餐前等待後,
終於見到第一道菜了
相信這綠色羅宋湯+格魯吉亞辣肉片湯一定係即叫即蒸,如果唔係點會咁耐呢?
綠色羅宋湯D酸菜同個湯簡直合而為一,
個湯酸到冇朋友
而辣肉片湯辣辣地,
加埋D柴皮瘦肉,
完全就係一碗出色既茶餐廳辣湯~
三文魚子係平時食壽司果種,用PANCAKE皮包住,
加上一堆CREAM,
味道都OK
其餘的沙律都唔錯,
好CREAMY,
仲好飽肚添
左:招牌芝士焗牛脷, 咦喂,芝士呢?
嗯, 一定係溶左係個醬度,
所以個醬先會咁咸,
加埋D急凍既正方型牛脷粒,
WOW, 呢個咪CC茶餐廳既招牌牛脷飯?!
雖則我覺得CC茶餐廳比較好味
GF打趣道:唏, 你識條春咩, 俄國菜係咁嫁嘛!(設計對白, 不過佢講既都係咁既意思嫁啦)
右: 東歐香辣牛腩,
很愛意粉的我,
看到上抬既意粉條咁肥大,
覺得案情並不單純,
這不是CC茶餐廳既意粉版本?
為左慳成本浸到佢肥一肥
人家還是喜歡意式正宗既半硬身麵條
今次我知啦!
一定係意大利同俄國唔咬弦,
所以俄國菜特登整稔佢,
一定係
牛腩則一D都唔辣,
淨係覺得好淡, 好水
好似冇醬汁咁
我相信店家為免食客食唔到咁辣,
所以乾脆整到咁淡,
丁屎辣都冇,哇好健康呀!
蘋果批: 凍食版既麥記蘋果批, 如果你愛M記又愛凍,你絕對可能有機會鐘意食
(註:個人鐘意M記版本多D)
士多啤梨薄餅:一大兩細的超唔新鮮士多啤梨加上薄薄的Pancake
真係甜到漏
仲想點呀? 有得食你就食啦!
題外話/補充資料：
仲有個小插曲係,
我同個waiter講個雪糕黎錯左,
應該係士多啤梨薄餅先岩,
佢指住個蘋果批話係"士多啤梨"黎
咦喂,睇黎我今日真係太累,
居然信左,
好在gf醒,
糾正左佢,
唔係真係食左先知戇居左
食完唔知係咪食太多難消化野,
回家途中係咁放屁,
同此店老闆個口一樣,
失禮晒
(以上食評乃用戶個人意見 , 並不代表OpenRice之觀點。)
張貼
