影片
更多
2016-04-02
542 瀏覽
去到大坑搵野食, 咁啱經過肉骨皇, 聽聞肉骨茶好出名, 就一於入去試下佢啦...行到入去, 坐定定, 等左三分鐘都冇人招呼, 餐牌都唔識自己拎過黎, 水就更加唔識講啦...更係冇自動拎黎啦! 跟住點菜啦...我地點左: 出名的肉骨茶($82), 咖喱香酥餅($45), 海南雞飯配油飯 ($80), 本身唸住都夠食, 因為要留肚食甜品, 但係見睇圖個胡椒大蝦粉絲煲 ($108) 唔錯, 就一於點埋佢啦!首先黎左肉骨茶, 黎到再加熱, 叫個位黑衫人仕 (應該似係老闆) 俾兩隻碗我地, 佢答話會轉頭俾我地, 咁我地等啦..等到碟海南雞飯黎, 再叫佢俾兩隻碗我地, 佢答完好, 之後又係冇左件事, 我地又再等啦...最後要叫第三次, 先識得俾兩隻碗我地, 首先試左個海南雞飯先, 俾左雞奕位, 起埋骨添..讚...味道可以的, 個油飯就比較硬左少少, 再試埋個肉骨茶, 好味...果然係出名!個咖喱香酥餅黎啦..之前已經問左佢係唔係會配咖喱汁, 個位老闆話"係", 但係黎到個汁唔似咖喱色, 我地試左少少, 有啲似係點海南雞飯個隻醬咁, 跟住我地叫個位老闆黎問, 哩個酥餅係唔係跟咖喱汁 (我仲要指埋個
行到入去, 坐定定, 等左三分鐘都冇人招呼, 餐牌都唔識自己拎過黎, 水就更加唔識講啦...更係冇自動拎黎啦!
跟住點菜啦...我地點左: 出名的肉骨茶($82), 咖喱香酥餅($45), 海南雞飯配油飯 ($80), 本身唸住都夠食, 因為要留肚食甜品, 但係見睇圖個胡椒大蝦粉絲煲 ($108) 唔錯, 就一於點埋佢啦!
首先黎左肉骨茶, 黎到再加熱, 叫個位黑衫人仕 (應該似係老闆) 俾兩隻碗我地, 佢答話會轉頭俾我地, 咁我地等啦..等到碟海南雞飯黎, 再叫佢俾兩隻碗我地, 佢答完好, 之後又係冇左件事, 我地又再等啦...最後要叫第三次, 先識得俾兩隻碗我地, 首先試左個海南雞飯先, 俾左雞奕位, 起埋骨添..讚...味道可以的, 個油飯就比較硬左少少, 再試埋個肉骨茶, 好味...果然係出名!
個咖喱香酥餅黎啦..之前已經問左佢係唔係會配咖喱汁, 個位老闆話"係", 但係黎到個汁唔似咖喱色, 我地試左少少, 有啲似係點海南雞飯個隻醬咁, 跟住我地叫個位老闆黎問, 哩個酥餅係唔係跟咖喱汁 (我仲要指埋個汁俾佢睇添) 佢話係, 哩個係咖喱汁, 我地話哩個好肯定唔係咖喱汁, 係用黎點雞飯的醬, 個位老闆先好認真咁望清楚, 之後換返個啱的咖喱汁俾我地, 個咖喱汁有好少辣味而唔香! (食到哩度已經覺得哩間餐廳的服務好唔掂)
最後最激氣同爆笑的事件發生, 最後的胡椒大蝦粉絲煲上枱啦...位待應一放底, 我地兩個亙相對望, 懷疑自己係唔係點錯左, 點解同張相差咁遠既, 我地又搵返位老闆黎問, 老闆的答覆: 無錯, 哩個係胡椒大蝦, 因為煮個位係印度廚師, 所以佢會落好多醬, 變左咁的顏色, 你地唔可以睇張相, 唔啱架! 我地兩個簡直無言....唯有接受, 老公試左第一啖, 話好似食緊蠔油老抽煮豆卜粉絲咁...重要係重抽-落重老抽...哈.....最後我地只係食左三隻大蝦算, 啲豆卜,粉絲完全食唔落, 好似一 PAT 野咁! 有d似超深色墨魚汁撈發左既天使麵咁......咁做生意...真係唔得, 大坑已經靜過以前好多, 仲係咁樣做生意, 應該等執!
題外話/補充資料：
今事今日咁既服務態度, 仲要係做餐飲業的, 我覺得個位老闆好唔積極, 唔憂做的感覺, 就算餐廳的食物再好味, 但係服務零分, 我唸我地唔會再去囉...更何況佢的食物只得肉骨茶好味.
(以上食評乃用戶個人意見 , 並不代表OpenRice之觀點。)
張貼
