影片
更多
2018-01-08
421 瀏覽
"窩心"一詞，原來在中國南北區域都有著很不同的意義，但在江南華南(包括香港) 泛指 "心裡感到溫暖、有暖心的意思"。用餐當日，寒風凜凜加上微微細雨，街上。對於晚餐，我和友人站在棉登徑十字路口豪無方向，忽然見到一個易拉架, 試業八折！說實在的，我當堂個心踏實了很多，跟同行友人互相一個默契的眼神，就一起箭步上樓去也。餐廳走時尚格調路線，而且光猛鮮明企理，一入門口已經見到一堆時下最流行的 "Bearbrick" 和 "岳敏君"擺設，而三樓每一間房都有不同的顏色配搭，下次約親友私聚又好，帶客戶食飯也好，都絕不失體面。另一個亮點係，男洗手間(由於性別關係，未能到女洗手間一窺全豹，留待其他女讀者發掘了)金堆玉砌的手洗手間，無論係坐廁以至尿架，都係以"金色"為主題，還記得香港在 2000 年代，曾經某上市公司打造過金廁所，更被列入健力士世界紀錄！很懷念當年的黃金年代呢！其實，試問就算急到萬馬奔騰的情況，又有幾多人捨得再多放黃金萬兩呢。但我知道，如果下次同客食飯，這些都可以係跟客戶一個討論話題，唔使下下放工仲傾公事。未上正餐，先來一客飲品潤潤喉嚨，點了一客"紅菜頭水"，是店家自家制的，坊間火鍋，大多都
"窩心"一詞，
原來在中國南北區域都有著很不同的意義，但在江南華南(包括香港) 泛指 "心裡感到溫暖、有暖心的意思"。
用餐當日，寒風凜凜加上微微細雨，街上。對於晚餐，我和友人站在棉登徑十字路口豪無方向，忽然見到一個易拉架, 試業八折！說實在的，我當堂個心踏實了很多，跟同行友人互相一個默契的眼神，就一起箭步上樓去也。
餐廳走時尚格調路線，而且光猛鮮明企理，一入門口已經見到一堆時下最流行的 "Bearbrick" 和 "岳敏君"擺設，
而三樓每一間房都有不同的顏色配搭，下次約親友私聚又好，帶客戶食飯也好，都絕不失體面。
另一個亮點係，男洗手間(由於性別關係，未能到女洗手間一窺全豹，留待其他女讀者發掘了)
金堆玉砌的手洗手間，無論係坐廁以至尿架，都係以"金色"為主題，
還記得香港在 2000 年代，曾經某上市公司打造過金廁所，更被列入健力士世界紀錄！很懷念當年的黃金年代呢！
其實，試問就算急到萬馬奔騰的情況，又有幾多人捨得再多放黃金萬兩呢。
但我知道，如果下次同客食飯，這些都可以係跟客戶一個討論話題，唔使下下放工仲傾公事。
未上正餐，先來一客飲品潤潤喉嚨，點了一客"紅菜頭水"，是店家自家制的，
坊間火鍋，大多都係供應竹蔗水 / 夏枯草等等簡易飲品，但供應紅菜頭水真的沒有幾多家，
說穿了，處理紅菜頭手續繁複，其汁液又易濺到衣衫，再用時間火喉迫出其鮮甜之味，工序多而微利。
紅菜頭是近年被健康食客大熱追捧的天然健康食品之一，有「歐洲靈芝」的美譽，營養豐富，據說抗癌護肝降血壓延緩衰老，
是否真有其效還是未知之素，但起碼心裡感覺良好，個人極度偏好這種清甜鮮甜，以 $28有一枝的價錢，絕對抵飲，大愛！
自家制紅菜頭水
$28
11 瀏覽
0 讚好
0 留言
每次開餐之前，自選混醬當然係必備項目啦
自選好處係，有人喜歡多辣，有人喜歡生蒜，有人只要炸蒜，有人要走蔥.......e.g.
總之就各式其式，呢一部份都可以滿足到好多大細路玩一餐，絕對係未出發，先興奮！
12 瀏覽
0 讚好
0 留言
火鍋湯底，固之然係火鍋的重要靈魂啦，睇完餐牌打算落單"花膠魚唇滑雞鍋"的，但經理俾左一個意見而我地亦好同意，
經理大致上係講，點"花膠魚唇滑雞鍋"係識貨既，呢個係餐廳招牌作品來的，但因為我們今晚只得兩個人，如果叫呢個鍋的話，
飲完湯，食完湯內配料已經會飽晒，就食唔到其他火鍋料了。經理唔會因為做生意而硬銷貴價湯底，今時今日真係食客之福，
總好過坊間很多一坐低就問，要唔要本地肥牛呀，今日海鮮靚喎之類。
最後我地聽取佢意見，要左個"香茜皮蛋湯"，呢個湯真係.....長期捱夜救星。
上枱時我本來打算用隻湯匙試下味就算，點知火鍋料未到，我已經飲左兩碗。
飲完成個人好似如釋重負，多晚既唔夠瞓，牙似腫腫的，都好似一掃而空。
我相信如果帶阿媽來，佢就會明白點解唔飲屋企湯水而要係外面飲，甚至佢以後都唔係屋企煲了。
香茜皮蛋湯
$78
17 瀏覽
0 讚好
0 留言
香茜皮蛋湯
$78
10 瀏覽
0 讚好
0 留言
開餐前，記得記得記得拎埋呢個優惠，原來新張期間
like facebook / follow IG 均可免費獲得日本和牛刺生一客
雖然係免費送贈的，但絕不馬虎，以我個人日常來講，食和牛通常係以 shabu shabu或壽喜燒，輕燙半熟來處理食用，
一直以為輕燙半熟最能夠帶出和牛的「食感」、「味道」與「香氣」特色，
今次一試和牛刺身，油花依然如霜降一樣，分布平均細緻，
先吃一件原味不加醬油的，肉質鬆軟，輕夾牛肉入口即溶，食感/味道/香氣一湧而上。
再試一件蘸上柚子醬油一起吃，柚子帶輕酸但這樣反能將牛味層次提升，濃而不膩。
日本和牛刺生
8 瀏覽
0 讚好
0 留言
日本和牛刺生
12 瀏覽
0 讚好
0 留言
兩個人火鍋，如平常般的話，點不了太多東西，一兩碟牛肉，一碟菜，一個響鈴可能已經飽肚了。
幸好店方有提供二人套餐，方便了一眾貪多款式的我們，每款可以試少少，
所以今天點了一個 2人套餐，每位$338
先上的是三寶丸(墨魚丸/蝦丸/鯪魚肉丸) + 脆鯇片
脆鯇片肉白嫩而且骨刺少，肉質肉質結實爽口而帶有韌性
輕燙一會恰到好處，脆嫩可口。
手打丸亦爽口彈牙，有鮮肉質感，結實而具彈性 。
脆鯇片
13 瀏覽
0 讚好
0 留言
雞牛雙併 - 手切極尚牛脾肉 及 日本雞頸肉
要食穩定水準的本地手切牛，只能到某幾家有江湖地位的火鍋店，
否則其他大多以美國牛充數，就算有本地牛都會出現水準不穩定
所以有時寧可直接吃外牛，以免有美麗的誤會，大家又不用尷尷尬尬
反而值得一提的是"日本雞頸肉"，我相信很多朋友都會有相同疑問，雞頸肉能吃的嗎？
我都未食過，所以都好想偶一見識下。經理認真推介，呢款係日本直送的大種雞頸肉，
要知道雞頸有幾多肉呀，所以一小碟已經用左好多隻雞，日本採用激新的切割技術，能將雞頸徹底起肉，
此款雞味濃郁，而且經理表示由於餐廳的母公司是主力做日本肉類批發的，所以更添信心
雞牛雙併
15 瀏覽
0 讚好
0 留言
蔬菜籃，有油墨菜 / 唐生菜 / 冬菇 / 蕃茄 / 栗米
別低估這一盤蔬菜籃，二人份量幾乎吃不完！
蔬菜籃
11 瀏覽
0 讚好
0 留言
台式滷水雙併 - 金錢肚 及 牛根
套餐係包括這個台式滷水雙併，你可以在"牛根" / "金錢肚" / "豬肚" / "豬大腸" 之中四款選兩款
台式滷水雙併
10 瀏覽
0 讚好
0 留言
海鮮併盤 - 南非鮑 / 8吋蟶子皇 / 廣島蠔
童叟無欺，三款都係足料靚貨
廣島蠔非常 Creamy，甘香鮮甜而蠔味頗濃，令人頗懷念日本廣島每年10月底開始的廣島蠔季節
8吋蟶子皇，無沙而且肉厚爽口，味道鮮甜。
海鮮併盤
8 瀏覽
0 讚好
0 留言
其實不要看少每款一點點以為可以輕鬆應付，老實講上到菜籃後段，已經開始飽到目光呆滯，
幸好店家將海鮮併盤放在最尾才上，等我可以稍為精神一振回魂再吃，如果上菜次序稍有備差，就可能有部份的東西吃不完而做大晒鬼了。
總括而言，一間光猛企理，時尚格調的精點火鍋餐廳，供應 $338 套餐有上面如此優質的款式及份量，
由裝潢，飲品，湯底，食材，以致招呼，呢個價值確實係抵食無誤呀！"窩心"一詞，
原來在中國南北區域都有著很不同的意義，但在江南華南(包括香港) 泛指 "心裡感到溫暖、有暖心的意思"。
張貼
