王子私房菜

營業中

休息中

呢間的價錢是屬中高檔，日間15蚊位茶，小食$12，XO醬$15，不過點心都唔錯，夠熱夠味，又快脆到，水滾茶靚，環境舒適，由於位置近門口，所以感覺不夠涼快。點咗八款，有一半食品好食的：海鮮茘芋盒最好食，外面鬆脆，餡料豐富多汁，芋頭好滑；子薑皮蛋，雖然普通咗少少，流心皮蛋好滑，子薑同日本料理嗰啲一樣，靚子薑應該是程粉紅色的，呢個時候應該有的，但偏偏無食到，有點失望；陳皮牛肉球，陳皮夠甘香，肉質硬咗少少；王子蝦餃，皮薄軟勒度適中，蝦夠爽，肉汁多少少就perfect 啦；脆皮牛肮腩，夠脆又夠熱，夠味，不過價錢貴咗少少；同埋是日靚湯-花生章魚蓮藕鷄腳湯，夠熱濃稠又好味。另外四款就一般了：桂花魚片粥魚片滑但無咁鮮甜，如果轉班片會好味些；叉燒腸粉，叉燒鞋咗啲，腸粉不夠滑。下次有機會的，會試蝦子柚皮和春風得意腸。