5
4
0
港鐵元朗站 K 出口, 步行約1分鐘 繼續閱讀
電話號碼
23474988
營業時間
今日營業
10:00-23:00
星期一至五
11:00-17:00
18:00-23:00
星期六至日
10:00-23:00
付款方式
Visa Master AE 現金 銀聯 JCB
座位數目
80
其他資料
Wi-Fi
酒精飲品
自帶酒水
切餅費 詳細介紹
外賣服務
加一服務費
食評 (13)
YOHO開心大飲茶 焦點食評
等級4 2017-09-21
2063 瀏覽
YOHO I 新翼開幕真的很令人興奮,今週甜魔媽媽又約同好友連環踩新場;今天先分享在 王子私房菜 Prince Kitchen 的開心飲茶記,這頓除了是補慶三位八月壽星(包括我!)的生日午餐,又是其中三位日遊歸來的院友派手信時間,所以食物異常豐富! YOHO I 的新翼可以連接西鐵站,真的太方便非元朗人到訪了!所以新翼開幕以來,一班院友已經先後到訪 Mango Tree Cafe(有人更來了兩次)、Glasshouse,這次則一起來 王子私房菜 飲茶。 元朗高級的酒樓不多,當日來到飲茶的食客非常多,還好一早訂了位,才可安然霸佔特大圓檯。以鐵觀音醒一醒神後,首先有番豆榴充當前菜,很適合愛吃水果打底的我~ 不過,當日的打底水果並不止番石榴。下圖就是親愛又客氣的院友,由日本帶回來的麥茶、零食、杯麵、香印提子手信,陣容非常震撼!我們老實不客氣馬上泡了麥茶來喝,同時也洗了香印提子來吃;大大粒的香印提子,肉質緊緻紮實,富有蜜糖清甜香氣,好好吃啊! 之後才慢慢來到同樣豐富的點心環節:海鮮荔芋盒 Deep Fried Taro with Seafood ($30) 雖然不太吃得出海鮮鮮味,卻勝在荔芋滑身、香脆不油,每人半件剛剛好。 被 天下第一包 Baked Barbecued Pork Buns ($35) 名字迷到了,原來即是叉燒餐包,味道可以的,但絕對不是天下第一包啦。 喜歡香口美食的,應該也會欣賞這 春風得意腸 Steamed Rice Flour Rolls Filled with Vegetarian Spring Roll。同樣又是香脆不油,而且又是素食,建議不點醬油就這樣食用。 相比之下,吃時再點豉油的 韭黃鮮蝦腸 Steamed Rice Flour Rolls with Prawn ($40),皮雖滑但厚身了一點,可以改進。 腸粉不夠薄身,餃類卻做得不錯,雲南野菌山珍餃 Steamed Wild Mushroom Dumpling ($30) 是可見的晶瑩剔透很誘人,餡料也好吃。 王子蝦餃 Steamed Crystal Prawn Dumpling ($40) 也皮薄餡靚,有食友覺得蝦隻太鹹,但我那件又剛好。更好吃是 公主燒賣 Steamed Pork Dumpling with Crab Roe ($40),我原本不打算吃沒拍,但由於點了2籠,不想浪費吃了一件,又果然好得,值得推介。 同樣地,翡翠帶子餃 Steamed Scallops Dumpling with Vegetables ($30) 也不錯,而且每款餃都大大隻很足料,十分抵食,喜歡攪攪震,不,是喜歡吃餃的不妨來試試。 除了餃類,黃金流沙包 Steamed Egg Yolk Buns ($30) 也巨大飽滿、撕開也算流心,味道也非常香濃,個人挺喜歡的,但不排除有非甜魔覺得太漏。 也推介這裡的 脆炸長春卷 Spring Rolls ($30),香脆不油同時,中間的餡料還十分鮮香,小孩一定會喜歡。 京城煙熏素鵝 Smoked Bean Curd Sheet with Shredded ($58) 本來也好吃,就是太鹹了。黑貝木耳 Black Fungus with Home-Made Vinegar Sauce ($48) 份量多得驚人,人多或有超級黑木耳粉絲在場,才建議點。 院友口癮點的 蝦籽扒柚皮 Braised Pomelo Peel with Shrimps Roe ($68) 也不錯,軟腍入味,醬汁沒有太濃太鹹,吃時還留有柚皮的清香。 接著還有估你唔到又爽又滑的 雞絲粉皮 Shredded Chicken with Bean Vermicelli in Sesame Sauce ($58),質感一流、非常好吃,希望不是偶爾撞彩。 反而 伊比利亞黑毛豬叉燒 Barbecued Spanish Iberico Pork ($168) 實在太腍又太濕,吃到最後也未能完成.... 還有我沒試但院友都讚好的 中山王子鴿 Roasted Pigeon with Garlic ($68),連拍也沒拍的沙爹金錢肚、鳳爪等,飽到連壽包也吃不下沒點啦! 整體水準不錯,價位也合理,$1,200有找已夠六人吃到棒著肚子走,是元朗區不錯的飲茶地點,下週很可能會帶外地朋友再去。至於另一間 霸王川莊,就留待後天再分享! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-03
4115 瀏覽
是日阿女四歲半,懶得落廚的我有藉口一家人外出晚餐慶祝,見YOHO MALL多咗新食肆就試呢間王子私房菜,其實佢本身係王子飯店的兄弟,價錢偏貴架~~~在我閱讀餐牌後就選了價位比較OK的餸菜,椒鹽九肚魚味道好好,入口即溶,不過辣椒幾多吓,份量少人食都算夠食~~~咕嚕肉味道很好,不過食肉獸的我就覺得肉少(薄)~~~脆皮雞賣相一般,雖然幾好食,但感覺跟鴻星差不多,$180半隻感覺貴咗dd~~~王子炒飯預咗細碗,估唔到有咁多蝦,味道不錯~~~窩蛋肉鬆菜煲,撈完食覺得好正,奶奶都覺得特別,莧菜食落感覺唔太淋,值得推介~~~由於片皮鴨兩食要$400,所以我冇叫,隔離枱叫咗,原來係在個客面前即切片,大家可以乘機睇表演最後上的燒腩仔製作需時,原來係熱上,感覺皮脆肉軟,不過部份的皮咸咗dd,賣相怪咗少少,冇裝飾仲好過有裝飾( ̄∇ ̄)埋單$901,感覺算夠飽,如果唔係老人家細食,相信我要叫多d野食***由於切餅費用要$50,所以我地只係將蛋糕安排暫存,回家才切餅慶祝 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-27
204 瀏覽
我同細妹亞媽一行三人去試下尼間私房菜飲茶。叫左一些特別既點心試下,可能期望太高,食落先覺得一般,價錢都算中高檔既⋯脆皮牛坑腩-外脆內軟,牛坑腩都入味,尼個可以再試多次玉桂蘋果春卷- 即叫即炸,玉桂味又突出有機野米珍珠雞-  我覺得麻麻地,好似唔夠味咁XO醬鳳爪公主燒賣 醬皇布拉腸 - 新鮮即整,腸粉又好厚,醬又真係好多,食落又幾好味羅白絲香酥 - 內裹好熱,真係要cut 開左等一陣先食得,羅白絲唔係好夠,如果加多少少會正d 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-02
550 瀏覽
呢間的價錢是屬中高檔,日間15蚊位茶,小食$12,XO醬$15,不過點心都唔錯,夠熱夠味,又快脆到,水滾茶靚,環境舒適,由於位置近門口,所以感覺不夠涼快。點咗八款,有一半食品好食的:海鮮茘芋盒最好食,外面鬆脆,餡料豐富多汁,芋頭好滑;子薑皮蛋,雖然普通咗少少,流心皮蛋好滑,子薑同日本料理嗰啲一樣,靚子薑應該是程粉紅色的,呢個時候應該有的,但偏偏無食到,有點失望;陳皮牛肉球,陳皮夠甘香,肉質硬咗少少;王子蝦餃,皮薄軟勒度適中,蝦夠爽,肉汁多少少就perfect 啦;脆皮牛肮腩,夠脆又夠熱,夠味,不過價錢貴咗少少;同埋是日靚湯-花生章魚蓮藕鷄腳湯,夠熱濃稠又好味。另外四款就一般了:桂花魚片粥魚片滑但無咁鮮甜,如果轉班片會好味些;叉燒腸粉,叉燒鞋咗啲,腸粉不夠滑。下次有機會的,會試蝦子柚皮和春風得意腸。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-02
403 瀏覽
個奶皇千層卷以為係千層糕之類,其實是馬拉糕卷 ,$30/3件迷你馬拉糕⋯⋯。既然同奶皇千層糕無關、便不應如此誤導,建議改名馬拉糕。其他點心味道中中,賣相中上。環境寬敞,員工有禮。 繼續閱讀
(以上食評乃用戶個人意見 , 並不代表OpenRice之觀點。)