Appendix Coffee & Bar (已結業)

國慶放假，想去睇煙花，又怕尖沙咀同灣仔人多，朋友提議銅鑼灣海傍好似少人啲，就同佢去銅鑼灣睇煙花。因時間尚早，就去咗Appendix Coffee & Bar食晚餐先。餐廳環境好靚，又夠静，適合朋友相聚詳談。坐底後，侍應把餐牌給我們，睇咗一陣，朋友同我叫咗一個Garlic Prawn，一個Spring Chick (Whole) 和一個Beef Tender Loin。甜品就叫走Tiramisu。先來的是蝦，D蝦好彈牙，麵包配上醬汁，又好好味。再來是牛，五成熟，加上醬汁，好入味，D牛好冧，好Juicy 。然後是燒春雞，隻雞燒到剛開好，好嫩滑，好入味，是當晚最好味的。碟邊的配菜，也做得好出色，好冧，D菜唔會硬繃繃。最後是甜品，女士們真係好喜歡吃甜品，這間店也做得出色，是當晚，我們另一至愛。食飽後行去海傍，原來都係咁多人，但真係現場睇煙花真係好震撼，下次有煙花都要現場睇先可以