影片
更多
2012-11-25
9 瀏覽
又一篇回顧篇，抱歉並沒有拍下照片。幸好樓上已經有食家影咗，應該無所謂掛正是看到openrice，先知道原來佐敦恆豐開咗個Ramen Champion既“鬥獸場”其實將6間拉麵鋪擺埋一齊，係好定唔好？呢個究竟係困獸鬥定係會演變成一支獨秀？對於店主黎講，時間會證明一切；但對於食客黎講，真係好到不得了，簡直拍爛手掌 6間拉麵鋪放埋一齊差唔多等於一次過滿足你6個願望，嘩，諗吓都開心～某程度上我係麵控，即刻咩麵我都中意，不管日式，中式，西式，越式，泰式，x式.......但如果一定要我揀最中意既，無得傾一定係拉麵！所以聽到呢個ramen champion的存在，簡直係開心死，仲要開o係屋企附近。因為我係為“沾麵”而去的，所以已經好快鎖定目標：常勝軒。因為係回顧篇，就直接跟category點評。味道麵：個麵低其實唔錯，非常有咬口，而且份量頗多（我叫的是特製，比較大碗）。叉燒：過肥，超過75％係肥膏。食慣日式拉麵的可能覺得普通，因為日本的叉燒的確都偏肥，但畢竟我是hk人，尤其係女仔，太肥可能不太討好。沒有對不對，就看看店主要不要“入鄉隨俗”了。湯：沾麵的湯一般都偏鹹，而且佢有比碗清湯你溝淡先飲。但佢
正是看到openrice，先知道原來佐敦恆豐開咗個Ramen Champion既“鬥獸場”
其實將6間拉麵鋪擺埋一齊，係好定唔好？呢個究竟係困獸鬥定係會演變成一支獨秀？
對於店主黎講，時間會證明一切；但對於食客黎講，真係好到不得了，簡直拍爛手掌 6間拉麵鋪放埋一齊差唔多等於一次過滿足你6個願望，嘩，諗吓都開心～
某程度上我係麵控，即刻咩麵我都中意，不管日式，中式，西式，越式，泰式，x式.......但如果一定要我揀最中意既，無得傾一定係拉麵！所以聽到呢個ramen champion的存在，簡直係開心死，仲要開o係屋企附近。
因為我係為“沾麵”而去的，所以已經好快鎖定目標：常勝軒。
因為係回顧篇，就直接跟category點評。
味道
麵：個麵低其實唔錯，非常有咬口，而且份量頗多（我叫的是特製，比較大碗）。
叉燒：過肥，超過75％係肥膏。食慣日式拉麵的可能覺得普通，因為日本的叉燒的確都偏肥，但畢竟我是hk人，尤其係女仔，太肥可能不太討好。沒有對不對，就看看店主要不要“入鄉隨俗”了。
湯：沾麵的湯一般都偏鹹，而且佢有比碗清湯你溝淡先飲。但佢鹹既程度係就算唔係飲，齋點麵黎食我都覺得太鹹，有d扣分。
蛋：還好，勉強算是流心。
環境／衛生
地方係寬敞，但成陣油煙味，雖然唔算嚴重但對於好比神犬拉西的我黎講，成餐飯就聞住油煙味黎進食，都幾難頂。而且天花板漏水，一直o係我隔離係咁滴，好難比高分囉。
服務
其實呢個好難評。成個過程差唔多都係自助式，可以有咩服務可言呢？唯有憑門口個姐姐派卡（結帳用）同出口個收銀快黎評啦
抵食
＄98一碗沾麵，地點仲要係佐敦，唔使解釋都應該知道唔會有人覺得抵
其實去完常勝軒係有d失望的，至少無我想象的驚喜，未至於要比哭臉，但進步空間很多。整體來說只能話係“可圈可點”：以呢個價錢，正路都會對呢碗野有高d既expectation。上面已經提過，6間野放埋一齊有好有唔好，而最大既壞處（我認為）係直接同隔離舖頭PK既機會係100％。高下立見，差既好快就會被淘汰。當然，如果6間都係同一個老闆或者可以稱得上係一個策略，但就會失去咗6間拉麵6種特色的idea。
還是繼續努力吧
張貼