八不·壽喜燒

營業中

休息中

日本隊贏左西班牙咁大件事，今日梗係要食返餐日本野黎賀一賀佢啦。呢間小店，行過見到新開，門面好唔錯，就入去試下。佢既餐版種類偏向簡單，但都有好處，應該會係幾精個種先會咁做。坐底店員推介佢既炸物出色，不過因為凍凍地，我叫左碗鹿兒島豚肉手打烏冬，一客炸海老蝦，仲有一客炸粟米。佢既炸物真係做得唔錯，炸得鬆軟，唔係普通炸醬，而且可以做到外面炸香脆，入面勁熱得黎仲有水份，keep到個甜味，真係犀利。特別係呢個炸粟米，真係第一次見咁煮，同埋份量都好多。超好食。炸蝦好食唔在講，真係幾大隻，而個伴菜茄子，同竟然係洋蔥，咬落入面好熱，好爽，睇落似蘆薈㖭，好甜，一啲蔥青味都冇。個豚肉有少少胡椒香，肉好嫩滑，成個設計好夾，連菊花瓣都有淡淡清香，好細心。而另一驚喜係呢支櫻花可樂。比個名吸引到，但飲落有啲似波子汽水，有少少櫻花香味，唔太甜，令餐飯都生色不少。想唔到呢度有間咁高質既小店，推介。