千海水產海鮮火鍋放題

營業中

休息中

旺角分店係三間入面最大，地方真係好寬敞，坐得舒服，環境又企理又光猛，感覺好開揚。活海鮮任撈，職員會幫手清洗，衛生有保證。海鮮選擇超多，有唔同款蝦、蜆、鮑魚、蟹，蠔都有幾款揀，啱晒鍾意食海鮮嘅朋友。九肚魚同白繕似係呢間分店新加的，白繕特別肥美。最正係補貨好快，啲海鮮真係任撈任煮，保證有得食。熟食方面，呢間分店仲多咗金銀蒜粉絲蒸蝦子王，味道一流。肉類都有好多選擇，包括和牛、豬肉、羊肉切片，質素高，肉味濃。甜品同飲品都唔少，有烤榴槤、港式奶茶、精選點心、開胃小食、水果同甜品，選擇超多元化，回本無難度。