千海水產海鮮火鍋放題

營業中

休息中

今個星期日訂了千島火鍋放題 。 因12:00 時的壹早已滿座 改為訂了 3:15 分至 5:30 這壹轉 準時3:15 分到塲已滿了九成 . 好 出動 首先取了四欵點心醫吓肚先 然後到海鮮區拿遊水海鮮 有鮑魚 基圍蝦 大頭蝦 東風螺 蠔 等 全部都生蝦咁跳 非常新鮮 拿了交俾員工代為清洗乾淨 。便可攞回位打邊爐啦 . 再讀卡叫各樣東西吃 有 鵝肝牛舌 羊架 聖子等 記得火鍋𢓭必食甜品 馬卡龍 雪糕等生果有燒榴連 燒菠蘿 西瓜等 推介必食之選 燒羊架 燕窩熟木瓜等 這個放題 收費也很公道 出品也非常新鲜 味道也好味 都值得做生日聯歡節目

之前幫襯淘大分店感覺良好，見到新聞話旺角分店裝修完重開，即刻帶埋屋企人嚟試順手慶生日，一早訂晒位，點知嚟到人頭湧湧，訂咗位都要咁機拎飛，仲要等20張，真係乜mood都冇晒，呢個真係要改善下，唔係要訂位嚟做乜嘢？😅入到去餐廳面積大環境唔錯，侍應服務都好周到，幫手倒廚餘非常之快啊，值得贊👍海鮮方面種類都多，除咗蜆嘅質素就一般，將一兜蜆及花甲放入花膠湯底煮，個湯底變咗微灰色，鬧起見到有黑色沙由微開口嘅蜆流出嚟，應該係吐沙時間唔夠，即刻叫侍應換咗個湯底😑其餘嘅蟹同蝦都好食，不過蟹嘅種類好似少過淘大分店，任撈嘅蟶子系細隻，想食酒樓大隻嗰啲要點熟食嘅蒜蓉蟶子，呢個推介好食👍👍👍👍旺角分店話特別在於有鱔片，切好咗嘅火鍋料，唔係新鮮劏，但係鵝腸，蠔同埋日本A5和牛都係好好食。呢度嘅飲品同甜品都多款過淘大，有啲仲係日本貨，例如啤梨酒唔錯，haagen dazs雪糕竟然有日本貨期間限定嘅焦糖燉蛋味同埋churro，有驚喜😁😁😁但就冇咗台灣嘅珍珠奶茶總括嚟講，300幾蚊食海鮮buffet都係抵，但要改善下啲蜆質素同埋入座安排。

一入舖頭就滿佈龍蝦湯味，聞到口水流食物款式都算好多，食物質素都唔錯，夠新鮮，熟悉款式都好好多，仲有鵝肝添！最驚喜係勁多甜品，仲要係日版Häagen-Dazs，我哋午市去，可以食三個鐘，三個人都唔使$1000，絕對係超值！