影片
更多
2018-04-15
867 瀏覽
一想到米線好自然就諗到雲貴川，原因係除咗近舊公司外，主要係味道同感情!!!食咗差唔多二十年，寫食評不如分享吓心得…店內嘅米線聽講係老闆依黃金比例用新舊米專門搵麵廠訂製，比坊間嘅米線彈牙好多。而湯底就半夜就開始熬煮，無味精成份，所以飲完都唔會好渴。每碗米線都好似煲仔飯咁逐碗連湯帶餸+米線一齊煮，味道先至入味。所以外賣即食嘅話係無可能米線同湯分開裝，除非你想自己煮就可以要求分開，我試過買3碗外賣唔煮，分開湯/米線返屋企用嚟打邊爐當湯底，真係正到暈!!!餸料方面好似車仔麵咁，有幾十款。全部寫晒牆上多眼處，推介係腩肉、豬肚、豬耳、豬頭肉、腐竹、雞尖、雞翼，豬肉系列一般都有小辣，所以叫2-3款辣餸嘅話，湯底就唔好再加辣喇! 雞尖，雞翼用鹵水鹵到好入味，雞尖唔多，要食就早啲去喇~ 如果唔食得辣就可以叫腐竹、蘿蔔、丸類系列、雞尖雞翼，雲吞就唔推介喇!!服務方面，阿婆直腸直肚但非常貼心，經常見到啲人食辣食到死死吓，都會問"駛唔駛俾碗清湯你呀?" 店內嘅米線係冇蔥嘅，你要蔥就落單時加埋。街坊生意，講真二十年來從未受過氣，唔明點解啲人成日當自己係上賓VIP 要求呢樣嗰樣又要投訴!!!
腩肉豬頭肉豬肚米線（小辣加蔥）
$50
50 瀏覽
0 讚好
0 留言
一想到米線好自然就諗到雲貴川，原因係除咗近舊公司外，主要係味道同感情!!!
食咗差唔多二十年，寫食評不如分享吓心得…
店內嘅米線聽講係老闆依黃金比例用新舊米專門搵麵廠訂製，比坊間嘅米線彈牙好多。
而湯底就半夜就開始熬煮，無味精成份，所以飲完都唔會好渴。每碗米線都好似煲仔飯咁逐碗連湯帶餸+米線一齊煮，味道先至入味。所以外賣即食嘅話係無可能米線同湯分開裝，除非你想自己煮就可以要求分開，我試過買3碗外賣唔煮，分開湯/米線返屋企用嚟打邊爐當湯底，真係正到暈!!!
餸料方面好似車仔麵咁，有幾十款。全部寫晒牆上多眼處，推介係腩肉、豬肚、豬耳、豬頭肉、腐竹、雞尖、雞翼，豬肉系列一般都有小辣，所以叫2-3款辣餸嘅話，湯底就唔好再加辣喇! 雞尖，雞翼用鹵水鹵到好入味，雞尖唔多，要食就早啲去喇~ 如果唔食得辣就可以叫腐竹、蘿蔔、丸類系列、雞尖雞翼，雲吞就唔推介喇!!
服務方面，阿婆直腸直肚但非常貼心，經常見到啲人食辣食到死死吓，都會問"駛唔駛俾碗清湯你呀?" 店內嘅米線係冇蔥嘅，你要蔥就落單時加埋。街坊生意，講真二十年來從未受過氣，唔明點解啲人成日當自己係上賓VIP 要求呢樣嗰樣又要投訴!!!
題外話/補充資料：
唔想排隊的話，最好揀啱時間。例如中午12點前、下午3點半後、晚上九點後、又或者係落雨嘅日子，一般都唔駛排隊。
忌: 食食吓加餸，因為餸要同米線一齊煮至好味，而且廚房繁忙唔得閒同你白灼。
忌: 扮勁食中辣，枱上有辣椒油可以加辣。
忌: 浪費，扮勁叫辣又食唔到唔食，叫加底又食唔晒。
(以上食評乃用戶個人意見 , 並不代表OpenRice之觀點。)
張貼
