影片
更多
2015-04-22
1282 瀏覽
現在已經夜深,不過多兩句廢話回味吓先點解試呢間? 行過見有正宗日本妹撩我咪入去囉!人地既專業又熱情咁用有限嘅英文介紹店舖特色.佢話呢道嘅招牌菜係牛筋拉麵.日式拉麵我都食唔少,但係未試過用牛筋嘅.眼前呢個日本妹真係挑起咗我嘅... 好奇心 ;P講真如果係MK仔企出面,我會覺得係香港人當係車仔麵咁亂加野落拉麵度,唔會俾機會佢.入面係的式小店,廿個位咁上下,典型日本拉麵舖 feel,乾淨企理無乜人.我當然拿拿臨 order 炭燒牛筋拉麵啦,麵要硬身.成場得我一個等食,即叫即做大概七八分鐘碗麵邌到面前,唔算好耐.賣相還可以啦,無餐牌圖咁靚.牛筋切成細細粒有四五粒,一塊叉燒一隻蛋同一堆蔥咁.例牌乜都唔食住,首先試試個湯先.湯底濃郁膠膠地,豚骨之外仲有D牛嘅鮮味,唔知係有落埋牛骨煮,定係因為D牛筋面層熔咗D味入埋湯. 幾好幾好.之後夾起一粒牛筋放入口, 嘩不得了!牛筋半融化的黏口質感超正,暖膠質喺口中左右來回滑動,好似牛肉味啫哩咁,一小啖牛筋送兩啖麵一啖湯梅花間竹簡直絶配.呢碗麵喺我食過嘅香港拉麵裏可以有頭三位.要挑剔的是只有幾細粒牛筋唔太夠喉要就住邌食.經歴過之前嘅震撼其他野無咩特別,叉燒普普通
點解試呢間? 行過見有正宗日本妹撩我咪入去囉!
人地既專業又熱情咁用有限嘅英文介紹店舖特色.
佢話呢道嘅招牌菜係牛筋拉麵.
日式拉麵我都食唔少,但係未試過用牛筋嘅.
眼前呢個日本妹真係挑起咗我嘅... 好奇心 ;P
講真如果係MK仔企出面,我會覺得係香港人當係車仔麵咁亂加野落拉麵度,唔會俾機會佢.
入面係的式小店,廿個位咁上下,典型日本拉麵舖 feel,乾淨企理無乜人.
我當然拿拿臨 order 炭燒牛筋拉麵啦,麵要硬身.成場得我一個等食,即叫即做大概七八分鐘碗麵邌到面前,唔算好耐.
94 瀏覽
0 讚好
0 留言
牛筋切成細細粒有四五粒,一塊叉燒一隻蛋同一堆蔥咁.
例牌乜都唔食住,首先試試個湯先.
湯底濃郁膠膠地,豚骨之外仲有D牛嘅鮮味,唔知係有落埋牛骨煮,定係因為D牛筋面層熔咗D味入埋湯. 幾好幾好.
之後夾起一粒牛筋放入口, 嘩不得了!牛筋半融化的黏口質感超正,暖膠質喺口中左右來回滑動,好似牛肉味啫哩咁,一小啖牛筋送兩啖麵一啖湯梅花間竹簡直絶配.
呢碗麵喺我食過嘅香港拉麵裏可以有頭三位.
要挑剔的是只有幾細粒牛筋唔太夠喉要就住邌食.
經歴過之前嘅震撼其他野無咩特別,叉燒普普通通蛋流心咁囉.
兩樣都只不過變成配角.
食完 Bottoms up 湯底一飲而盡,已開始計劃何時再會.
有緣人日本妹卻已不知到哪了.
張貼
